.png)
ਮੇਰਠ ਦੀ ਅਦਾਲਤ ਨੇ ਚਰਚਿਤ ਅਮਿਤ ਕਸ਼ਯਪ ਕਤਲ ਕੇਸ ਵਿੱਚ ਵੱਡਾ ਫੈਸਲਾ ਸੁਣਾਉਂਦਿਆਂ ਦੋਸ਼ੀ ਪਤਨੀ ਰਵਿਤਾ ਅਤੇ ਉਸ ਦੇ ਪ੍ਰੇਮੀ ਅਮਰਦੀਪ ਨੂੰ ਫਾਂਸੀ ਦੀ ਸਜ਼ਾ ਸੁਣਾਈ ਹੈ। 13 ਮਹੀਨਿਆਂ ਦੀ ਸੁਣਵਾਈ ਅਤੇ ਪੁਖ਼ਤਾ ਸਬੂਤਾਂ ਦੇ ਆਧਾਰ 'ਤੇ ਅਦਾਲਤ ਨੇ ਇਸ ਵਾਰਦਾਤ ਨੂੰ "ਰਿਸ਼ਤੇ ਦਾ ਕਤਲ" ਅਤੇ "ਬੇਹੱਦ ਘਿਣਾਉਣਾ ਅਪਰਾਧ" ਕਰਾਰ ਦਿੰਦਿਆਂ ਦੋਵਾਂ ਦੋਸ਼ੀਆਂ ਨੂੰ ਮੌਤ ਦੀ ਸਜ਼ਾ ਦਾ ਹੁਕਮ ਦਿੱਤਾ।
ਸਾਜ਼ਿਸ਼ ਤਹਿਤ ਗਲਾ ਘੁੱਟ ਕੇ ਕੀਤਾ ਕਤਲ, ਫਿਰ ਬਿਸਤਰੇ 'ਤੇ ਛੱਡਿਆ ਸੱਪ
ਇਹ ਸਨਸਨੀਖੇਜ਼ ਘਟਨਾ 12 ਅਪ੍ਰੈਲ, 2025 ਨੂੰ ਵਾਪਰੀ ਸੀ। ਰਵਿਤਾ ਨੇ ਆਪਣੇ ਪ੍ਰੇਮੀ ਅਮਰਦੀਪ ਨਾਲ ਮਿਲ ਕੇ ਆਪਣੇ ਪਤੀ ਅਮਿਤ ਕਸ਼ਯਪ ਦਾ ਗਲਾ ਘੁੱਟ ਕੇ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਸੀ। ਇਸ ਵਾਰਦਾਤ ਨੂੰ ਹਾਦਸਾ ਜਾਂ ਕੁਦਰਤੀ ਮੌਤ ਸਾਬਤ ਕਰਨ ਲਈ ਦੋਵਾਂ ਨੇ ਬੇਹੱਦ ਚਲਾਕੀ ਭਰੀ ਸਾਜ਼ਿਸ਼ ਰਚੀ। ਕਤਲ ਕਰਨ ਤੋਂ ਬਾਅਦ ਉਨ੍ਹਾਂ ਨੇ ਅਮਿਤ ਦੀ ਲਾਸ਼ ਦੇ ਕੋਲ ਬਿਸਤਰੇ 'ਤੇ ਇਕ ਜ਼ਿੰਦਾ ਸੱਪ ਛੱਡ ਦਿੱਤਾ ਤਾਂ ਜੋ ਸਭ ਨੂੰ ਲੱਗੇ ਕਿ ਅਮਿਤ ਦੀ ਮੌਤ ਸੱਪ ਦੇ ਡੰਗਣ ਨਾਲ ਹੋਈ ਹੈ।
ਦੋਸ਼ੀਆਂ ਨੇ ਪੁਲਿਸ ਅਤੇ ਪਰਿਵਾਰ ਨੂੰ ਗੁਮਰਾਹ ਕਰਨ ਦੀ ਪੂਰੀ ਕੋਸ਼ਿਸ਼ ਕੀਤੀ, ਪਰ ਪੋਸਟਮਾਰਟਮ ਰਿਪੋਰਟ ਅਤੇ ਪੁਲਿਸ ਤਫ਼ਤੀਸ਼ ਵਿੱਚ ਸਾਹਮਣੇ ਆਇਆ ਕਿ ਅਮਿਤ ਦੀ ਮੌਤ ਦਮ ਘੁੱਟਣ ਕਾਰਨ ਹੋਈ ਸੀ, ਨਾ ਕਿ ਸੱਪ ਦੇ ਜ਼ਹਿਰ ਨਾਲ।
.png)
ਅਦਾਲਤ ਦਾ ਫ਼ੈਸਲਾ ਤੇ ਪਰਿਵਾਰ ਨੂੰ ਮਿਲਿਆ ਇਨਸਾਫ਼
ਮੇਰਠ ਦੀ ADJ-12 ਅਦਾਲਤ ਦੇ ਜੱਜ ਜੈਵੀਰ ਸਿੰਘ ਨਾਗਰ ਨੇ ਮਾਮਲੇ ਨੂੰ "ਰੇਅਰੈਸਟ ਆਫ਼ ਰੇਅਰ" (ਦੁਰਲੱਭ ਤੋਂ ਦੁਰਲੱਭ) ਮੰਨਦਿਆਂ ਸ਼ੁੱਕਰਵਾਰ ਨੂੰ ਦੋਵਾਂ ਨੂੰ ਫਾਂਸੀ ਦੀ ਸਜ਼ਾ ਸੁਣਾਈ। ਮ੍ਰਿਤਕ ਅਮਿਤ ਦੀ ਮਾਂ ਅਤੇ ਪਰਿਵਾਰਕ ਮੈਂਬਰਾਂ ਨੇ ਸ਼ੁਰੂ ਤੋਂ ਹੀ ਦੋਸ਼ੀਆਂ ਲਈ ਮੌਤ ਦੀ ਸਜ਼ਾ ਦੀ ਮੰਗ ਕੀਤੀ ਸੀ। ਅਦਾਲਤ ਦੇ ਇਸ ਫ਼ੈਸਲੇ ਤੋਂ ਬਾਅਦ ਪਰਿਵਾਰ ਨੇ ਰਾਹਤ ਦਾ ਸਾਹ ਲਿਆ ਅਤੇ ਕਿਹਾ ਕਿ ਅੱਜ ਉਨ੍ਹਾਂ ਦੇ ਪੁੱਤਰ ਨੂੰ ਸੱਚਾ ਇਨਸਾਫ਼ ਮਿਲਿਆ ਹੈ।
.png)
.jpeg)
.png)
