.png)
ਚੰਡੀਗੜ੍ਹ:
ਹਰਿਆਣਾ ਸਰਕਾਰ ਦੇ ਮਨੁੱਖੀ ਸਰੋਤ ਵਿਭਾਗ (ਕਾਮਨ ਕਾਡਰ) ਨੇ ਇਸ਼ਤਿਹਾਰ ਨੰਬਰ 04/2018 ਤਹਿਤ ਭਰਤੀ ਹੋਏ ਗਰੁੱਪ-ਡੀ ਮੁਲਾਜ਼ਮਾਂ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਪੋਰਟਲ 'ਤੇ ਗਲਤ ਸੁਨੇਹਾ ਦਿਖਾਈ ਦੇਣ ਕਾਰਨ ਪੈਦਾ ਹੋਏ ਭਰਮ ਨੂੰ ਖ਼ਤਮ ਕਰਦਿਆਂ ਸਰਕਾਰ ਨੇ 'ਵਨ-ਟਾਈਮ ਆਪਸ਼ਨ ਪੋਰਟਲ' ਨੂੰ ਮੁੜ ਖੋਲ੍ਹਣ ਦਾ ਐਲਾਨ ਕੀਤਾ ਹੈ।
ਹੁਣ ਇਹ ਪੋਰਟਲ 5 ਅਕਤੂਬਰ ਤੋਂ 20 ਅਕਤੂਬਰ 2026 ਤੱਕ 15 ਦਿਨਾਂ ਲਈ ਦੁਬਾਰਾ ਸਰਗਰਮ ਰਹੇਗਾ। ਇਸ ਦੌਰਾਨ ਮੁਲਾਜ਼ਮ ਕਾਮਨ ਕਾਡਰ ਵਿੱਚ ਰਹਿਣ ਜਾਂ ਆਪਣੇ ਪੁਰਾਣੇ ਵਿਭਾਗ ਵਿੱਚ ਪਰਤਣ ਦਾ ਬਦਲ ਚੁਣ ਸਕਦੇ ਹਨ।
ਕਿਉਂ ਪਈ ਪੋਰਟਲ ਮੁੜ ਖੋਲ੍ਹਣ ਦੀ ਲੋੜ?
ਇਸ ਤੋਂ ਪਹਿਲਾਂ 17 ਜੁਲਾਈ 2026 ਦੇ ਹੁਕਮਾਂ ਤਹਿਤ 15 ਅਗਸਤ ਤੱਕ ਆਪਸ਼ਨ ਮੰਗੇ ਗਏ ਸਨ। ਪਰ ਪੋਰਟਲ 'ਤੇ ਗਲਤੀ ਨਾਲ ਇਹ ਸੁਨੇਹਾ ਆ ਰਿਹਾ ਸੀ ਕਿ ਮੂਲ ਵਿਭਾਗ ਚੁਣਨ ਜਾਂ ਬਦਲਣ 'ਤੇ ਸੀਨੀਆਰਤਾ ਖ਼ਤਮ ਹੋ ਜਾਵੇਗੀ। ਇਸ ਡਰੋਂ ਕਈ ਮੁਲਾਜ਼ਮਾਂ ਨੇ ਗਲਤ ਬਦਲ ਭਰ ਦਿੱਤੇ ਸਨ। ਸਰਕਾਰ ਨੇ ਇਸ ਗਲਤੀ ਨੂੰ ਸੁਧਾਰਦਿਆਂ ਅਦਾਲਤੀ ਮਾਮਲਿਆਂ ਤੋਂ ਬਚਣ ਲਈ ਇਹ ਕਦਮ ਚੁੱਕਿਆ ਹੈ।
.png)
ਸੀਨੀਆਰਤਾ (Seniority) ਦੇ 4 ਨਿਯਮ:
-
ਕਾਮਨ ਕਾਡਰ ਵਾਲੇ: ਸੀਨੀਆਰਤਾ HSSC ਦੀ ਸਾਂਝੀ ਮੈਰਿਟ ਸੂਚੀ ਦੇ ਆਧਾਰ 'ਤੇ ਹੋਵੇਗੀ।
-
ਮੂਲ ਵਿਭਾਗ ਵਿੱਚ ਰਹਿਣ ਵਾਲੇ: ਜਿਨ੍ਹਾਂ ਦਾ 2024 ਵਿੱਚ ਤਬਾਦਲਾ ਨਹੀਂ ਹੋਇਆ ਸੀ, ਉਨ੍ਹਾਂ ਦੀ ਪੁਰਾਣੀ ਸੀਨੀਆਰਤਾ ਪੂਰੀ ਤਰ੍ਹਾਂ ਸੁਰੱਖਿਅਤ ਰਹੇਗੀ।
-
ਨਵੇਂ ਵਿਭਾਗ ਵਿੱਚ ਰਹਿਣ ਵਾਲੇ: 2024 ਦੇ ਤਬਾਦਲੇ ਤੋਂ ਬਾਅਦ ਨਵੇਂ ਵਿਭਾਗ ਵਿੱਚ ਹੀ ਰਹਿਣ ਦਾ ਬਦਲ ਚੁਣਨ ਵਾਲੇ ਮੁਲਾਜ਼ਮਾਂ ਨੂੰ ਉੱਥੇ ਸਭ ਤੋਂ ਜੂਨੀਅਰ ਮੰਨਿਆ ਜਾਵੇਗਾ।
-
ਮੂਲ ਵਿਭਾਗ ਪਰਤਣ ਵਾਲੇ: 2024 ਟਰਾਂਸਫਰ ਤੋਂ ਬਾਅਦ ਆਪਣੇ ਅਸਲ ਵਿਭਾਗ ਵਾਪਸ ਜਾਣ ਵਾਲਿਆਂ ਦੀ ਪੁਰਾਣੀ ਸੀਨੀਆਰਤਾ ਬਹਾਲ ਰਹੇਗੀ।
.png)
.png)
