.png)
ਜੀਂਦ: ਏਸ਼ੀਅਨ ਖੇਡਾਂ ਵਿੱਚ ਟਰੈਪ ਸ਼ੂਟਿੰਗ ਦੌਰਾਨ 2 ਸੋਨ ਤਗਮੇ (ਗੋਲਡ) ਅਤੇ ਇੱਕ ਚਾਂਦੀ ਦਾ ਤਗਮਾ (ਸਿਲਵਰ) ਜਿੱਤ ਕੇ ਇਤਿਹਾਸ ਰਚਣ ਵਾਲੀ ਜੀਂਦ ਦੇ ਪਿੰਡ ਸੰਗਤਪੁਰਾ ਦੀ ਬੇਟੀ ਨੀਰੂ ਢਾਂਡਾ ਦਾ ਬੁੱਧਵਾਰ ਨੂੰ ਸ਼ਹਿਰ ਪਹੁੰਚਣ 'ਤੇ ਸ਼ਾਨਦਾਰ ਸਵਾਗਤ ਕੀਤਾ ਗਿਆ। ਘਰ ਪਰਤਣ 'ਤੇ ਸਭ ਤੋਂ ਪਹਿਲਾਂ ਨੀਰੂ ਨੇ ਇਤਿਹਾਸਕ ਜਯੰਤੀ ਦੇਵੀ ਮੰਦਰ ਵਿਖੇ ਮੱਥਾ ਟੇਕਿਆ ਅਤੇ ਅਸ਼ੀਰਵਾਦ ਲਿਆ। ਇਸ ਉਪਰੰਤ ਇੱਕ ਵਿਸ਼ਾਲ ਰੋਡ ਸ਼ੋਅ ਰਾਹੀਂ ਉਹ ਆਪਣੇ ਜੱਦੀ ਪਿੰਡ ਸੰਗਤਪੁਰਾ ਪਹੁੰਚੀ, ਜਿੱਥੇ ਉਨ੍ਹਾਂ ਦੀ ਭੂਆ ਅਜ਼ਾਦੋ ਦੇਵੀ ਨੇ ਦੇਸੀ ਘਿਓ ਦਾ ਚੂਰਮਾ ਖੁਆ ਕੇ ਧੀ ਦਾ ਸਵਾਗਤ ਕੀਤਾ।
10 ਹਜ਼ਾਰ ਲੋਕਾਂ ਲਈ ਲੰਗਰ ਅਤੇ 95 ਪਿੰਡਾਂ ਨੂੰ ਚੁੱਲ੍ਹਾ ਨਿਉਂਦਾ
ਸੰਗਤਪੁਰਾ ਦੇ ਖੇਡ ਸਟੇਡੀਅਮ ਵਿੱਚ ਕਰਵਾਏ ਗਏ ਸ਼ਾਨਦਾਰ ਸਵਾਗਤੀ ਸਮਾਗਮ ਵਿੱਚ ਹਰਿਆਣਾ ਵਿਧਾਨ ਸਭਾ ਦੇ ਡਿਪਟੀ ਸਪੀਕਰ ਡਾ. ਕ੍ਰਿਸ਼ਨ ਮਿੱਢਾ, ਕੈਬਨਿਟ ਮੰਤਰੀ ਰਣਬੀਰ ਗੰਗਵਾ ਅਤੇ ਮੰਤਰੀ ਮਹੀਪਾਲ ਢਾਂਡਾ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ। ਇਸ ਇਤਿਹਾਸਕ ਪਲ ਨੂੰ ਮਨਾਉਣ ਲਈ ਪਿੰਡ ਵੱਲੋਂ 95 ਪਿੰਡਾਂ ਦੇ ਢਾਂਡਾ ਗੋਤਰ ਦੇ ਪਰਿਵਾਰਾਂ ਨੂੰ 'ਚੁੱਲ੍ਹਾ ਨਿਉਂਦਾ' ਦਿੱਤਾ ਗਿਆ ਸੀ। ਸਮਾਗਮ ਵਿੱਚ 10,000 ਤੋਂ ਵੱਧ ਲੋਕਾਂ ਦੇ ਖਾਣ-ਪੀਣ (ਹਲਵਾ, ਪੂਰੀ, ਚੌਲ ਅਤੇ ਆਲੂ-ਛੋਲਿਆਂ ਦੀ ਸਬਜ਼ੀ) ਦਾ ਪ੍ਰਬੰਧ ਕੀਤਾ ਗਿਆ। ਸਰਪੰਚ ਨੁਮਾਇੰਦੇ ਸੁਨੀਲ ਕੁਮਾਰ ਅਨੁਸਾਰ ਇਸ ਪ੍ਰੋਗਰਾਮ ਲਈ ਪਿੰਡ ਵਾਸੀਆਂ ਨੇ ਆਪਸੀ ਸਹਿਯੋਗ ਨਾਲ 10 ਲੱਖ ਰੁਪਏ ਦਾ ਫੰਡ ਇਕੱਠਾ ਕੀਤਾ ਅਤੇ ਪ੍ਰਬੰਧਾਂ ਲਈ 6 ਕਮੇਟੀਆਂ ਬਣਾਈਆਂ ਗਈਆਂ।
ਕੱਲ੍ਹ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਡਿਨਰ ਕਰਨਗੇ ਖਿਡਾਰੀ
ਸਮਾਗਮ ਦੌਰਾਨ ਮੰਤਰੀ ਮਹੀਪਾਲ ਢਾਂਡਾ ਨੇ ਐਲਾਨ ਕੀਤਾ ਕਿ ਏਸ਼ੀਅਨ ਗੇਮਜ਼ ਦੇ ਤਗਮਾ ਜੇਤੂ ਖਿਡਾਰੀ ਵੀਰਵਾਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਵਿਸ਼ੇਸ਼ ਡਿਨਰ ਵਿੱਚ ਸ਼ਾਮਲ ਹੋਣਗੇ। ਨੀਰੂ ਢਾਂਡਾ ਵੀ ਆਪਣੇ ਪਰਿਵਾਰ ਸਮੇਤ ਦਿੱਲੀ ਜਾਵੇਗੀ। ਇਸ ਮੌਕੇ ਨੀਰੂ ਦੀ ਮਾਤਾ ਸੁਦੇਸ਼ ਦੇਵੀ ਨੇ ਦੱਸਿਆ ਕਿ ਉਨ੍ਹਾਂ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਲਈ ਖ਼ਾਸ ਤੌਰ 'ਤੇ ਪੰਜ ਰੋਟੀਆਂ ਦਾ ਦੇਸੀ ਚੂਰਮਾ ਤਿਆਰ ਕਰਕੇ ਦਿੱਲੀ ਭੇਜਿਆ ਹੈ।
.png)
ਲੋਕਾਂ ਲਈ ਪ੍ਰੇਰਨਾ ਹੈ ਨੀਰੂ ਦਾ ਸੰਘਰਸ਼:
-
ਉਧਾਰ ਦੀ ਬੰਦੂਕ ਨਾਲ ਸ਼ੁਰੂਆਤ: ਸਕੂਲੀ ਦਿਨਾਂ ਵਿੱਚ ਨੀਰੂ ਨੈਸ਼ਨਲ ਪੱਧਰ ਦੀ ਕਬੱਡੀ ਖਿਡਾਰਨ ਸੀ। ਜਦੋਂ ਸ਼ੂਟਿੰਗ ਵੱਲ ਕਦਮ ਵਧਾਇਆ ਤਾਂ ਪਰਿਵਾਰ ਨੇ ਦੁੱਧ ਵੇਚ ਕੇ ਗੋਲੀਆਂ (ਕਾਰਤੂਸ) ਦਾ ਖ਼ਰਚਾ ਚੁੱਕਿਆ ਅਤੇ ਨੀਰੂ ਨੇ ਉਧਾਰ ਦੀ ਬੰਦੂਕ ਨਾਲ ਅਭਿਆਸ ਕੀਤਾ।
-
ਮਿਲਟਰੀ ਪੁਲਿਸ ਵਿੱਚ ਸੂਬੇਦਾਰ: ਅੰਮ੍ਰਿਤਸਰ ਤੋਂ ਬੀ.ਏ. ਦੀ ਪੜ੍ਹਾਈ ਕਰਨ ਉਪਰੰਤ ਸ਼ਾਨਦਾਰ ਖੇਡ ਪ੍ਰਦਰਸ਼ਨ ਸਦਕਾ ਨੀਰੂ ਨੂੰ ਭਾਰਤੀ ਫੌਜ ਵਿੱਚ ਨਾਇਬ ਸੂਬੇਦਾਰ ਦੀ ਨੌਕਰੀ ਮਿਲੀ, ਜਿੱਥੇ ਉਹ ਤਰੱਕੀ ਪਾ ਕੇ ਹੁਣ ਮਿਲਟਰੀ ਪੁਲਿਸ ਵਿੱਚ ਬਤੌਰ ਸੂਬੇਦਾਰ ਸੇਵਾਵਾਂ ਨਿਭਾਅ ਰਹੀ ਹੈ।
-
ਨਵਾਂ ਏਸ਼ੀਆਈ ਰਿਕਾਰਡ: ਜਾਪਾਨ ਵਿੱਚ ਹੋਈਆਂ ਏਸ਼ੀਅਨ ਖੇਡਾਂ ਦੌਰਾਨ ਨੀਰੂ ਨੇ ਮਹਿਲਾ ਟਰੈਪ ਸ਼ੂਟਿੰਗ ਦੇ ਵਿਅਕਤੀਗਤ ਫਾਈਨਲ ਵਿੱਚ 30 ਵਿੱਚੋਂ 28 ਨਿਸ਼ਾਨੇ ਲਗਾ ਕੇ ਨਾ ਸਿਰਫ਼ ਗੋਲਡ ਮੈਡਲ ਜਿੱਤਿਆ, ਸਗੋਂ ਇਹ ਉਪਲਬਧੀ ਹਾਸਲ ਕਰਨ ਵਾਲੀ ਪਹਿਲੀ ਭਾਰਤੀ ਮਹਿਲਾ ਬਣ ਕੇ ਨਵਾਂ ਏਸ਼ੀਅਨ ਰਿਕਾਰਡ ਵੀ ਦਰਜ ਕੀਤਾ।
-(60).jpeg)
-(71).jpeg)