ਚੰਡੀਗੜ੍ਹ / ਨਵੀਂ ਦਿੱਲੀ: ਪੰਜਾਬ ਵਿੱਚ 2027 ਦੀਆਂ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਆਮ ਆਦਮੀ ਪਾਰਟੀ (AAP) ਨੇ ਸਭ ਤੋਂ ਪਹਿਲਾਂ ਵੱਡਾ ਦਾਅ ਖੇਡਦਿਆਂ ਆਪਣੇ ਉਮੀਦਵਾਰਾਂ ਦੀ ਪਹਿਲੀ ਲਿਸਟ ਜਾਰੀ ਕਰ ਦਿੱਤੀ ਹੈ। ਪਾਰਟੀ ਦੇ ਰਾਸ਼ਟਰੀ ਸਕੱਤਰ ਪੰਕਜ ਕੁਮਾਰ ਗੁਪਤਾ ਵੱਲੋਂ ਜਾਰੀ ਕੀਤੀ ਗਈ ਇਸ ਅਧਿਕਾਰਤ ਲਿਸਟ ਵਿੱਚ ਕੁੱਲ 40 ਵਿਧਾਨ ਸਭਾ ਹਲਕਿਆਂ ਲਈ ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਗਿਆ ਹੈ।
ਇਸ ਪਹਿਲੀ ਲਿਸਟ ਨੇ ਪੰਜਾਬ ਦੀ ਰਾਜਨੀਤੀ ਵਿੱਚ ਹਲਚਲ ਮਚਾ ਦਿੱਤੀ ਹੈ। ਲਿਸਟ ਵਿੱਚ ਸਭ ਤੋਂ ਵੱਡਾ ਨਾਮ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦਾ ਹੈ, ਜਿਨ੍ਹਾਂ ਨੂੰ ਮੁੜ ਧੁਰੀ ਵਿਧਾਨ ਸਭਾ ਹਲਕੇ (ਹਲਕਾ ਨੰਬਰ 107) ਤੋਂ ਚੋਣ ਮੈਦਾਨ ਵਿੱਚ ਉਤਾਰਿਆ ਗਿਆ ਹੈ।
ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਪ੍ਰਮੁੱਖ ਨੇਤਾਵਾਂ 'ਤੇ ਜਤਾਇਆ ਭਰੋਸਾ
ਆਮ ਆਦਮੀ ਪਾਰਟੀ ਨੇ ਆਪਣੀ ਪਹਿਲੀ ਸੂਚੀ ਵਿੱਚ ਕਈ ਮੌਜੂਦਾ ਮੰਤਰੀਆਂ, ਵਿਧਾਇਕਾਂ ਅਤੇ ਸੀਨੀਅਰ ਨੇਤਾਵਾਂ 'ਤੇ ਮੁੜ ਵਿਸ਼ਵਾਸ ਪ੍ਰਗਟਾਇਆ ਹੈ। ਧੁਰੀ ਤੋਂ ਭਗਵੰਤ ਮਾਨ ਤੋਂ ਇਲਾਵਾ ਕੋਟਕਪੂਰਾ ਤੋਂ ਕੁਲਤਾਰ ਸਿੰਘ ਸੰਧਵਾਂ, ਹੁਸ਼ਿਆਰਪੁਰ ਤੋਂ ਬ੍ਰਹਮ ਸ਼ੰਕਰ ਸ਼ਰਮਾ ਜਿੰਪਾ, ਅਜਨਾਲਾ ਤੋਂ ਕੁਲਦੀਪ ਸਿੰਘ ਧਾਲੀਵਾਲ, ਅੰਮ੍ਰਿਤਸਰ ਦੱਖਣੀ ਤੋਂ ਡਾ. ਇੰਦਰਬੀਰ ਸਿੰਘ ਨਿੱਜਰ ਅਤੇ ਲੁਧਿਆਣਾ ਵੈਸਟ ਤੋਂ ਸੰਜੀਵ ਅਰੋੜਾ ਨੂੰ ਮੁੜ ਟਿਕਟ ਦਿੱਤੀ ਗਈ ਹੈ।
ਇਸ ਤੋਂ ਇਲਾਵਾ ਭਦੌੜ ਤੋਂ ਲਾਭ ਸਿੰਘ ਉਗੋਕੇ, ਰੂਪਨਗਰ ਤੋਂ ਦਿਨੇਸ਼ ਚੱਢਾ, ਐਸ.ਏ.ਐਸ. ਨਗਰ (ਮੋਹਾਲੀ) ਤੋਂ ਕੁਲਵੰਤ ਸਿੰਘ, ਅਤੇ ਅਟਾਮ ਨਗਰ ਤੋਂ ਕੁਲਵੰਤ ਸਿੰਘ ਸਿੱਧੂ ਦੇ ਨਾਮ ਵੀ ਪਹਿਲੀ ਸੂਚੀ ਵਿੱਚ ਸ਼ਾਮਲ ਹਨ।
ਔਰਤਾਂ ਅਤੇ ਨੌਜਵਾਨ ਚਿਹਰਿਆਂ ਨੂੰ ਵਿਸ਼ੇਸ਼ ਤਰਜੀਹ
ਪਾਰਟੀ ਨੇ ਆਪਣੀ ਪਹਿਲੀ ਸੂਚੀ ਵਿੱਚ ਮਹਿਲਾ ਨੇਤਾਵਾਂ ਅਤੇ ਨੌਜਵਾਨ ਆਗੂਆਂ ਨੂੰ ਵੀ ਅਹਿਮ ਸਥਾਨ ਦਿੱਤਾ ਹੈ। ਨਕੋਦਰ ਤੋਂ ਮੈਡਮ ਇੰਦਰਜੀਤ ਕੌਰ ਮਾਨ, ਤਲਵੰਡੀ ਸਾਬੋ ਤੋਂ ਮੈਡਮ ਬਲਜਿੰਦਰ ਕੌਰ, ਬਾਲਾਚੌਰ ਤੋਂ ਮੈਡਮ ਸੰਤੋਸ਼ ਕਟਾਰੀਆ ਅਤੇ ਮੋਗਾ ਤੋਂ ਡਾ. ਅਮਨਦੀਪ ਕੌਰ ਅਰੋੜਾ ਨੂੰ ਉਮੀਦਵਾਰ ਬਣਾਇਆ ਗਿਆ ਹੈ।
ਪੂਰੀ ਲਿਸਟ: 40 ਹਲਕਿਆਂ ਦੇ ਉਮੀਦਵਾਰਾਂ ਦੇ ਨਾਮ
| ਲੜੀ ਨੰ. | ਹਲਕਾ ਨੰ. | ਵਿਧਾਨ ਸਭਾ ਹਲਕਾ | ਉਮੀਦਵਾਰ ਦਾ ਨਾਮ |
| 1 | 7 | ਬਟਾਲਾ | ਅਮਨਸ਼ੇਰ ਸਿੰਘ (ਸ਼ੇਰੀ ਕਲਸੀ) |
| 2 | 11 | ਅਜਨਾਲਾ | ਕੁਲਦੀਪ ਸਿੰਘ ਧਾਲੀਵਾਲ |
| 3 | 19 | ਅੰਮ੍ਰਿਤਸਰ ਦੱਖਣੀ | ਡਾ. ਇੰਦਰਬੀਰ ਸਿੰਘ ਨਿੱਜਰ |
| 4 | 21 | ਤਰਨ ਤਾਰਨ | ਹਰਮੀਤ ਸਿੰਘ ਸੰਧੂ |
| 5 | 22 | ਖੇਮ ਕਰਨ | ਸਰਵਣ ਸਿੰਘ ਧੁਨ |
| 6 | 31 | ਨਕੋਦਰ | ਮੈਡਮ ਇੰਦਰਜੀਤ ਕੌਰ ਮਾਨ |
| 7 | 33 | ਕਰਤਾਰਪੁਰ | ਬਲਕਾਰ ਸਿੰਘ |
| 8 | 40 | ਦਸੂਹਾ | ਕਰਮਬੀਰ ਸਿੰਘ ਘੁੰਮਣ |
| 9 | 41 | ਉੜਮੁੜ | ਜਸਵੀਰ ਸਿੰਘ ਰਾਜਾ ਗਿੱਲ |
| 10 | 43 | ਹੁਸ਼ਿਆਰਪੁਰ | ਬ੍ਰਹਮ ਸ਼ੰਕਰ ਸ਼ਰਮਾ ਜਿੰਪਾ |
| 11 | 44 | ਚੱਬੇਵਾਲ | ਇਸ਼ਾਂਕ ਕੁਮਾਰ ਚੱਬੇਵਾਲ |
| 12 | 45 | ਗੜ੍ਹਸ਼ੰਕਰ | ਜੈ ਕ੍ਰਿਸ਼ਨ ਸਿੰਘ ਰੌੜੀ |
| 13 | 48 | ਬਾਲਾਚੌਰ | ਮੈਡਮ ਸੰਤੋਸ਼ ਕਟਾਰੀਆ |
| 14 | 50 | ਰੂਪਨਗਰ | ਦਿਨੇਸ਼ ਚੱਢਾ |
| 15 | 53 | ਐਸ.ਏ.ਐਸ. ਨਗਰ | ਕੁਲਵੰਤ ਸਿੰਘ |
| 16 | 55 | ਫ਼ਤਹਿਗੜ੍ਹ ਸਾਹਿਬ | ਲਖਬੀਰ ਸਿੰਘ ਰਾਏ |
| 17 | 56 | ਅਮਲੋਹ | ਗੁਰਿੰਦਰ ਸਿੰਘ ਗੈਰੀ ਵੜਿੰਗ |
| 18 | 58 | ਸਮਰਾਲਾ | ਜਗਤਾਰ ਸਿੰਘ ਦਿਆਲਪੁਰਾ |
| 19 | 60 | ਲੁਧਿਆਣਾ ਈਸਟ | ਦਲਜੀਤ ਸਿੰਘ ਗ੍ਰੇਵਾਲ ਭੋਲਾ |
| 20 | 62 | ਆਤਮ ਨਗਰ | ਕੁਲਵੰਤ ਸਿੰਘ ਸਿੱਧੂ |
| 21 | 63 | ਲੁਧਿਆਣਾ ਸੈਂਟਰਲ | ਅਸ਼ੋਕ ਪਰਾਸ਼ਰ ਪੱਪੀ |
| 22 | 64 | ਲੁਧਿਆਣਾ ਵੈਸਟ | ਸੰਜੀਵ ਅਰੋੜਾ |
| 23 | 65 | ਲੁਧਿਆਣਾ ਨੌਰਥ | ਚੌਧਰੀ ਮਦਨ ਲਾਲ ਬੱਗਾ |
| 24 | 67 | ਪਾਇਲ | ਮਨਵਿੰਦਰ ਸਿੰਘ ਗਿਆਸਪੁਰਾ |
| 25 | 71 | ਨਿਹਾਲ ਸਿੰਘ ਵਾਲਾ | ਮਨਜੀਤ ਸਿੰਘ ਬਿਲਾਸਪੁਰ |
| 26 | 72 | ਬਾਘਾ ਪੁਰਾਣਾ | ਅੰਮ੍ਰਿਤਪਾਲ ਸਿੰਘ ਸੁਖਾਨੰਦ |
| 27 | 73 | ਮੋਗਾ | ਡਾ. ਅਮਨਦੀਪ ਕੌਰ ਅਰੋੜਾ |
| 28 | 74 | ਧਰਮਕੋਟ | ਦੇਵਿੰਦਰ ਜੀਤ ਸਿੰਘ ਲੱਡੀ ਢੋਸ |
| 29 | 79 | ਜਲਾਲਾਬਾਦ | ਜਗਦੀਪ ਕੰਬੋਜ ਗੋਲਡੀ |
| 30 | 80 | ਫਾਜ਼ਿਲਕਾ | ਨਰਿੰਦਰਪਾਲ ਸਿੰਘ ਸਵਨਾ |
| 31 | 86 | ਮੁਕਤਸਰ | ਜਗਦੀਪ ਸਿੰਘ ਕਾਕਾ ਬਰਾੜ |
| 32 | 88 | ਕੋਟਕਪੂਰਾ | ਕੁਲਤਾਰ ਸਿੰਘ ਸੰਧਵਾਂ |
| 33 | 89 | ਜੈਤੋ | ਅਮੋਲਕ ਸਿੰਘ |
| 34 | 94 | ਤਲਵੰਡੀ ਸਾਬੋ | ਮੈਡਮ ਬਲਜਿੰਦਰ ਕੌਰ |
| 35 | 97 | ਸਰਦੂਲਗੜ੍ਹ | ਗੁਰਪ੍ਰੀਤ ਸਿੰਘ ਬਣਾਵਾਲੀ |
| 36 | 102 | ਭਦੌੜ | ਲਾਭ ਸਿੰਘ ਉਗੋਕੇ |
| 37 | 104 | ਮਹਿਲ ਕਲਾਂ | ਕੁਲਵੰਤ ਸਿੰਘ ਪੰਡੋਰੀ |
| 38 | 106 | ਅਮਰਗੜ੍ਹ | ਜਸਵੰਤ ਸਿੰਘ ਗੱਜਣਮਾਜਰਾ |
| 39 | 107 | ਧੁਰੀ | ਭਗਵੰਤ ਮਾਨ |
| 40 | 115 | ਪਟਿਆਲਾ | ਅਜੀਤਪਾਲ ਸਿੰਘ ਕੋਹਲੀ |
ਸਿਆਸੀ ਹਲਚਲ ਤੇ ਵਿਰੋਧੀ ਧਿਰਾਂ ਦੀਆਂ ਨਜ਼ਰਾਂ
ਆਮ ਆਦਮੀ ਪਾਰਟੀ ਵੱਲੋਂ ਚੋਣਾਂ ਤੋਂ ਕਾਫ਼ੀ ਸਮਾਂ ਪਹਿਲਾਂ 40 ਉਮੀਦਵਾਰਾਂ ਦਾ ਐਲਾਨ ਕਰਨਾ ਪਾਰਟੀ ਦੀ ਰਣਨੀਤਕ ਤਿਆਰੀ ਨੂੰ ਦਰਸਾਉਂਦਾ ਹੈ। ਪਾਰਟੀ ਹਾਈਕਮਾਂਡ ਦਾ ਮੰਨਣਾ ਹੈ ਕਿ ਸਮੇਂ ਸਿਰ ਉਮੀਦਵਾਰਾਂ ਦਾ ਐਲਾਨ ਹੋਣ ਨਾਲ ਨੇਤਾਵਾਂ ਨੂੰ ਆਪਣੇ-ਆਪਣੇ ਹਲਕਿਆਂ ਵਿੱਚ ਪ੍ਰਚਾਰ ਕਰਨ ਅਤੇ ਜਨਤਾ ਨਾਲ ਸੁਚੱਜਾ ਰਾਬਤਾ ਕਾਇਮ ਕਰਨ ਦਾ ਪੂਰਾ ਸਮਾਂ ਮਿਲੇਗਾ।
ਦੂਜੇ ਪਾਸੇ, ਲਿਸਟ ਆਉਂਦੇ ਹੀ ਸਿਆਸੀ ਸਮੀਕਰਨ ਤੇਜ਼ੀ ਨਾਲ ਬਦਲਣੇ ਸ਼ੁਰੂ ਹੋ ਗਏ ਹਨ। ਵਿਰੋਧੀ ਧਿਰਾਂ ਜਿਵੇਂ ਕਿ ਕਾਂਗਰਸ, ਸ਼੍ਰੋਮਣੀ ਅਕਾਲੀ ਦਲ ਅਤੇ ਭਾਜਪਾ ਵੀ ਹੁਣ ਆਪਣੀਆਂ ਲਿਸਟਾਂ ਅਤੇ ਆਗਾਮੀ ਚੋਣ ਰਣਨੀਤੀਆਂ ਨੂੰ ਅੰਤਿਮ ਛੋਹਾਂ ਦੇਣ ਵਿੱਚ ਜੁਟ ਗਈਆਂ ਹਨ।
-(79).jpeg)
-(69).jpeg)
-(68).jpeg)
.jpeg)