ਯੋ ਯੋ ਹਨੀ ਸਿੰਘ ਨੇ ਇੰਸਟਾਗ੍ਰਾਮ ਲਾਈਵ 'ਤੇ ਵੱਡੇ ਮਿਊਜ਼ਿਕ ਲੇਬਲ 'ਤੇ ਕੱਢੀ ਭੜਾਸ, ਨਵੇਂ ਗੀਤ 'ਪੈਸੋ' ਦਾ ਕੀਤਾ ਐਲਾਨ

ਯੋ ਯੋ ਹਨੀ ਸਿੰਘ ਨੇ ਇੰਸਟਾਗ੍ਰਾਮ ਲਾਈਵ 'ਤੇ ਵੱਡੇ ਮਿਊਜ਼ਿਕ ਲੇਬਲ 'ਤੇ ਕੱਢੀ ਭੜਾਸ, ਨਵੇਂ ਗੀਤ 'ਪੈਸੋ' ਦਾ ਕੀਤਾ ਐਲਾਨ

ਪੰਜਾਬੀ ਗਾਇਕ ਯੋ ਯੋ ਹਨੀ ਸਿੰਘ ਹਾਲ ਹੀ ਵਿੱਚ ਆਪਣੇ ਪ੍ਰਸ਼ੰਸਕਾਂ ਨਾਲ ਜੁੜਨ ਲਈ ਇੰਸਟਾਗ੍ਰਾਮ 'ਤੇ ਲਾਈਵ ਆਏ। ਕਾਰ ਵਿੱਚ ਬੈਠੇ ਹਨੀ ਸਿੰਘ ਨੇ ਆਪਣੇ ਨਵੇਂ ਗੀਤ 'ਇਨਸੋਮਨੀਆਕ' (Insomniac) ਦੀ ਕਾਮਯਾਬੀ ਦਾ ਜਸ਼ਨ ਮਨਾਇਆ ਅਤੇ ਫੈਨਜ਼ ਨੂੰ ਇਸਨੂੰ 100 ਮਿਲੀਅਨ ਵਿਊਜ਼ ਤੱਕ ਪਹੁੰਚਾਉਣ ਦੀ ਅਪੀਲ ਕੀਤੀ। ਹਾਲਾਂਕਿ, ਇਸ ਲਾਈਵ ਸੈਸ਼ਨ ਵਿੱਚ ਸਭ ਤੋਂ ਵੱਧ ਚਰਚਾ ਉਨ੍ਹਾਂ ਦੇ ਆਉਣ ਵਾਲੇ ਪ੍ਰੋਜੈਕਟਾਂ ਅਤੇ ਇੱਕ ਵੱਡੇ ਮਿਊਜ਼ਿਕ ਲੇਬਲ 'ਤੇ ਕੱਢੀ ਗਈ ਭੜਾਸ ਦੀ ਰਹੀ।

ਉਨ੍ਹਾਂ ਦੇ ਲਾਈਵ ਸੈਸ਼ਨ ਦੀਆਂ 4 ਖਾਸ ਗੱਲਾਂ:

  • ਗੀਤ ਕੀਤਾ ਗਿਆ ਮੁਲਤਵੀ: ਹਨੀ ਸਿੰਘ ਅਤੇ ਜੈਜ਼ੂ ਬੀ (Jaizu B) ਦੇ ਆਉਣ ਵਾਲੇ ਗੀਤ ਦਾ ਫੈਨਜ਼ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ। ਹਨੀ ਸਿੰਘ ਨੇ ਦੱਸਿਆ ਕਿ ਇਹ ਗੀਤ ਫਿਲਹਾਲ ਮੁਲਤਵੀ ਕਰ ਦਿੱਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਇਹ ਪ੍ਰੋਜੈਕਟ ਦਿਨੇਸ਼ ਪਾਜੀ ਪਲਾਨ ਕਰ ਰਹੇ ਸਨ, ਪਰ ਉਨ੍ਹਾਂ ਨਾਲ ਵਾਪਰੀ ਘਟਨਾ ਕਾਰਨ ਇਸਨੂੰ ਅੱਗੇ ਪਾ ਦਿੱਤਾ ਗਿਆ ਹੈ।

  • ਦਸੰਬਰ 'ਚ ਆਵੇਗਾ ਨਵਾਂ ਗੀਤ 'ਪੈਸੋ': ਆਪਣੇ ਫੈਨਜ਼ ਨੂੰ ਖੁਸ਼ ਕਰਦੇ ਹੋਏ ਹਨੀ ਸਿੰਘ ਨੇ ਐਲਾਨ ਕੀਤਾ ਕਿ ਦਸੰਬਰ ਵਿੱਚ ਉਨ੍ਹਾਂ ਦਾ ਨਵਾਂ ਗੀਤ 'ਪੈਸੋ' ਰਿਲੀਜ਼ ਹੋਵੇਗਾ। ਗੀਤ ਦੇ ਨਾਮ ਬਾਰੇ ਗੱਲ ਕਰਦਿਆਂ ਉਨ੍ਹਾਂ ਮਜ਼ਾਕੀਆ ਅੰਦਾਜ਼ ਵਿੱਚ ਕਿਹਾ ਕਿ ਦੁਨੀਆ ਭਾਵੇਂ ਜੋ ਮਰਜ਼ੀ ਕਹੇ, ਅਸਲ ਵਿੱਚ ਸਾਰੀ ਗੱਲ ਪੈਸੇ ਦੀ ਹੀ ਹੁੰਦੀ ਹੈ। ਉਨ੍ਹਾਂ ਦੱਸਿਆ ਕਿ ਇੱਕ ਹੋਰ ਟਰੈਕ 'ਬਲੂਟੁੱਥ ਡੇਜ਼' ਵੀ ਜਲਦ ਆਵੇਗਾ।

image (25)

  • ਮਿਊਜ਼ਿਕ ਲੇਬਲ 'ਤੇ ਕੱਢੀ ਭੜਾਸ: ਆਜ਼ਾਦ (Independent) ਮਿਊਜ਼ਿਕ ਰਿਲੀਜ਼ ਕਰਨ ਦੀਆਂ ਚੁਣੌਤੀਆਂ ਬਾਰੇ ਬੋਲਦਿਆਂ, ਉਨ੍ਹਾਂ ਬਿਨਾਂ ਨਾਂ ਲਏ ਇੱਕ ਵੱਡੇ ਮਿਊਜ਼ਿਕ ਲੇਬਲ 'ਤੇ ਗੰਭੀਰ ਦੋਸ਼ ਲਾਏ। ਉਨ੍ਹਾਂ ਕਿਹਾ ਕਿ ਉਹ ਜ਼ਿੰਦਗੀ ਵਿੱਚ ਬਹੁਤ ਵੱਡਾ ਰਿਸਕ ਲੈ ਰਹੇ ਹਨ ਅਤੇ ਸਾਰਾ ਪੈਸਾ ਖੁਦ ਲਗਾ ਰਹੇ ਹਨ। ਉਸ ਵੱਡੇ ਲੇਬਲ ਨੇ ਉਨ੍ਹਾਂ ਨੂੰ ਬਹੁਤ ਦੁਖੀ ਕੀਤਾ ਹੈ ਅਤੇ ਉਨ੍ਹਾਂ ਵਿੱਚ ਰਾਵਣ ਵਰਗਾ ਹੰਕਾਰ ਹੈ। ਹਨੀ ਸਿੰਘ ਨੇ ਕਿਹਾ ਕਿ ਭੋਲੇਨਾਥ ਉਨ੍ਹਾਂ ਦਾ ਇਹ ਹੰਕਾਰ ਜ਼ਰੂਰ ਤੋੜਨਗੇ।

  • ਨਵੀਂ ਮਿਊਜ਼ਿਕ ਪ੍ਰਾਪਰਟੀ ਹੋਵੇਗੀ ਲਾਂਚ: ਕਮਰਸ਼ੀਅਲ ਗੀਤਾਂ ਤੋਂ ਇਲਾਵਾ ਹਨੀ ਸਿੰਘ ਜਲਦ ਹੀ ਇੱਕ ਨਵਾਂ ਮਿਊਜ਼ਿਕ ਪ੍ਰੋਜੈਕਟ ਲਾਂਚ ਕਰਨ ਵਾਲੇ ਹਨ। ਇਸ ਵਿੱਚ ਦੁਨੀਆ ਭਰ ਦੇ ਕਈ ਵੱਖ-ਵੱਖ ਗਾਇਕਾਂ ਨੂੰ ਫੀਚਰ ਕੀਤਾ ਜਾਵੇਗਾ, ਜਿੱਥੇ ਫੈਨਜ਼ ਨੂੰ ਸੂਫੀ, ਫਿਊਜ਼ਨ ਅਤੇ ਕੰਟੈਂਪਰੇਰੀ ਗੀਤਾਂ ਦੀ ਵੱਖਰੀ ਵਾਈਬ (Vibe) ਸੁਣਨ ਨੂੰ ਮਿਲੇਗੀ।

Related Posts