ਦਿੱਲੀ ਦੇ ਵਿਵੇਕ ਵਿਹਾਰ 'ਚ 2 ਮੰਜ਼ਿਲਾ ਇਮਾਰਤ ਡਿੱਗੀ, 2 ਦੀ ਮੌਤ; ਇਸ ਸਾਲ ਦਿੱਲੀ ਵਿੱਚ ਇਮਾਰਤਾਂ ਡਿੱਗਣ ਕਾਰਨ 21 ਮੌਤਾਂ

ਦਿੱਲੀ ਦੇ ਵਿਵੇਕ ਵਿਹਾਰ 'ਚ 2 ਮੰਜ਼ਿਲਾ ਇਮਾਰਤ ਡਿੱਗੀ, 2 ਦੀ ਮੌਤ; ਇਸ ਸਾਲ ਦਿੱਲੀ ਵਿੱਚ ਇਮਾਰਤਾਂ ਡਿੱਗਣ ਕਾਰਨ 21 ਮੌਤਾਂ

ਨਵੀਂ ਦਿੱਲੀ: ਮੰਗਲਵਾਰ ਸਵੇਰੇ 10 ਵਜੇ ਪੂਰਬੀ ਦਿੱਲੀ ਦੇ ਵਿਵੇਕ ਵਿਹਾਰ ਇਲਾਕੇ ਵਿੱਚ ਇੱਕ ਦੋ ਮੰਜ਼ਿਲਾ ਇਮਾਰਤ ਢਹਿ ਗਈ। ਇਸ ਭਿਆਨਕ ਹਾਦਸੇ ਵਿੱਚ ਇੱਕ ਵਿਅਕਤੀ ਅਤੇ ਇੱਕ ਬੱਚੇ ਦੀ ਮੌਤ ਹੋ ਗਈ ਹੈ।

ਰਾਹਤ ਅਤੇ ਬਚਾਅ ਟੀਮਾਂ ਵੱਲੋਂ ਮਲਬੇ ਵਿੱਚੋਂ 6-7 ਲੋਕਾਂ ਨੂੰ ਕੱਢ ਕੇ ਤੁਰੰਤ ਹਸਪਤਾਲ ਪਹੁੰਚਾਇਆ ਗਿਆ ਹੈ। ਮਲਬੇ ਵਿੱਚੋਂ ਟੁੱਟੀਆਂ ਹੋਈਆਂ ਕੰਕਰੀਟ ਦੀਆਂ ਸਲੈਬਾਂ ਅਤੇ ਲੋਹੇ ਦੀਆਂ ਰਾਡਾਂ ਬਾਹਰ ਨਿਕਲੀਆਂ ਹੋਈਆਂ ਹਨ। ਕੁਝ ਹੋਰ ਲੋਕਾਂ ਦੇ ਮਲਬੇ ਹੇਠ ਦੱਬੇ ਹੋਣ ਦਾ ਖਦਸ਼ਾ ਹੈ, ਜਿਨ੍ਹਾਂ ਦੀ ਭਾਲ ਲਈ ਰੈਸਕਿਊ ਆਪ੍ਰੇਸ਼ਨ ਲਗਾਤਾਰ ਜਾਰੀ ਹੈ।

ਦਿੱਲੀ ਵਿੱਚ ਇਮਾਰਤਾਂ ਡਿੱਗਣ ਦਾ ਇਹ ਕੋਈ ਪਹਿਲਾ ਮਾਮਲਾ ਨਹੀਂ ਹੈ। ਇਸ ਸਾਲ ਹੁਣ ਤੱਕ ਦਿੱਲੀ ਵਿੱਚ ਇਮਾਰਤਾਂ ਡਿੱਗਣ ਦੇ 5 ਵੱਡੇ ਹਾਦਸੇ ਹੋ ਚੁੱਕੇ ਹਨ, ਜਿਨ੍ਹਾਂ ਵਿੱਚ ਕੁੱਲ 21 ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ।

image (23)

ਇਸ ਸਾਲ ਦਿੱਲੀ ਵਿੱਚ ਹੋਏ 5 ਵੱਡੇ ਹਾਦਸੇ:

  • 7 ਅਕਤੂਬਰ (ਸੀਮਾਪੁਰੀ): ਚਾਰ ਮੰਜ਼ਿਲਾ ਇਮਾਰਤ ਦਾ ਅਗਲਾ ਹਿੱਸਾ ਡਿੱਗਣ ਕਾਰਨ 4 ਲੋਕਾਂ ਦੀ ਮੌਤ ਹੋਈ ਅਤੇ 8 ਲੋਕ ਜ਼ਖਮੀ ਹੋਏ।

  • 6 ਸਤੰਬਰ (ਸੱਤਿਆ ਨਿਕੇਤਨ): ਬੇਸਮੈਂਟ ਦੀ ਮੁਰੰਮਤ ਦੌਰਾਨ ਪੰਜ ਮੰਜ਼ਿਲਾ ਪੀਜੀ (PG) ਇਮਾਰਤ ਢਹਿ ਗਈ, ਜਿਸ ਵਿੱਚ 7 ਲੋਕਾਂ ਦੀ ਮੌਤ ਹੋਈ ਅਤੇ 5 ਜ਼ਖਮੀ ਹੋਏ।

  • 21 ਅਗਸਤ (ਕਰੋਲ ਬਾਗ): ਰੇਗਰਪੁਰਾ ਇਲਾਕੇ ਵਿੱਚ ਇਮਾਰਤ ਤੋੜਨ ਦਾ ਕੰਮ ਚੱਲ ਰਿਹਾ ਸੀ, ਜਿਸ ਦੌਰਾਨ ਹਿੱਸਾ ਡਿੱਗਣ ਨਾਲ 1 ਮਜ਼ਦੂਰ ਦੀ ਮੌਤ ਅਤੇ 2 ਜ਼ਖਮੀ ਹੋਏ।

  • 8 ਜੁਲਾਈ (ਰੋਹਿਣੀ ਸੈਕਟਰ-16): ਮੀਂਹ ਦੌਰਾਨ ਦੋ ਨਿਰਮਾਣ ਅਧੀਨ ਇਮਾਰਤਾਂ ਡਿੱਗਣ ਕਾਰਨ 3 ਲੋਕਾਂ ਦੀ ਮੌਤ ਹੋਈ।

  • 30 ਮਈ (ਸੈਦੁਲਾਜਾਬ): ਚਾਰ ਮੰਜ਼ਿਲਾ ਵਪਾਰਕ ਇਮਾਰਤ (ਕੋਚਿੰਗ ਸੈਂਟਰ ਅਤੇ ਦਫ਼ਤਰ) ਡਿੱਗਣ ਨਾਲ 6 ਲੋਕਾਂ ਦੀ ਮੌਤ ਹੋਈ ਅਤੇ 13 ਜ਼ਖਮੀ ਹੋਏ।

Related Posts