ਸਦਰ ਥਾਣਾ ਖੇਤਰ ਦੇ ਡੁਮਰਡੀਹ ਪਿੰਡ ਤੋਂ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ 38 ਸਾਲਾ ਬਿਜਲਾ ਉਰਾਓਂ ਦਾ ਵਿਆਹ ਇੱਕ 20 ਸਾਲਾ ਮੁਟਿਆਰ ਨਾਲ ਤੈਅ ਹੋਇਆ ਸੀ। ਹਾਲਾਕਿ ਦੋਵਾਂ ਪਰਿਵਾਰਾਂ ਦੀ ਸਹਿਮਤੀ ਤੋਂ ਬਾਅਦ, ਕੁੜੀ ਕਰੀਬ 15 ਦਿਨ ਪਹਿਲਾਂ ਲਾੜੇ ਦੇ ਘਰ ਆ ਕੇ ਰਹਿ ਰਹੀ ਸੀ।
ਪੰਜ ਜੁਲਾਈ ਨੂੰ ਮੜਵਾ (ਸ਼ਗਨ ਦੀ ਰਸਮ) ਅਤੇ ਛੇ ਜੁਲਾਈ ਨੂੰ ਵਿਆਹ ਹੋਣਾ ਸੀ। ਵਿਆਹ ਦੀਆਂ ਲਗਪਗ ਸਾਰੀਆਂ ਤਿਆਰੀਆਂ ਪੂਰੀਆਂ ਕਰ ਲਈਆਂ ਗਈਆਂ ਸਨ। ਲਾੜਾ-ਲਾੜੀ ਦੇ ਕੱਪੜੇ, ਖਾਣ-ਪੀਣ ਦਾ ਪ੍ਰਬੰਧ ਅਤੇ ਮਹਿਮਾਨਾਂ ਦੇ ਸਵਾਗਤ ਦੀਆਂ ਤਿਆਰੀਆਂ ਵੀ ਮੁਕੰਮਲ ਹੋ ਚੁੱਕੀਆਂ ਸਨ।
ਅਚਾਨਕ ਹੋਈ ਲਾਪਤਾ
ਪਰਿਵਾਰ ਮੁਤਾਬਕ ਸੋਮਵਾਰ ਸ਼ਾਮ ਨੂੰ ਕੁੜੀ ਘਰੋਂ ਕੁਝ ਸਾਮਾਨ ਖ਼ਰੀਦਣ ਦੀ ਗੱਲ ਕਹਿ ਕੇ ਨਿਕਲੀ ਸੀ ਪਰ ਦੇਰ ਰਾਤ ਤੱਕ ਵਾਪਸ ਨਹੀਂ ਪਰਤੀ। ਕਾਫ਼ੀ ਭਾਲ ਕਰਨ ਤੋਂ ਬਾਅਦ ਵੀ ਜਦੋਂ ਉਸ ਦਾ ਕੋਈ ਸੁਰਾਗ ਨਹੀਂ ਮਿਲਿਆ ਤਾਂ ਲਾੜੇ ਦੇ ਪਰਿਵਾਰ ਵਾਲੇ ਕੁੜੀ ਦੇ ਪਿਤਾ ਅਤੇ ਵਿਆਹ ਦੇ ਵਿਚੋਲੇ ਦੇ ਨਾਲ ਸਦਰ ਥਾਣੇ ਪਹੁੰਚੇ ਅਤੇ ਕੁੜੀ ਦੀ ਸਹੀ-ਸਲਾਮਤ ਬਰਾਮਦਗੀ ਦੀ ਮੰਗ ਕੀਤੀ। ਪੁਲਿਸ ਮਾਮਲੇ ਦੀ ਜਾਂਚ ਵਿੱਚ ਜੁਟੀ ਹੋਈ ਹੈ
ਕੀ ਬਣਿਆ ਕਾਰਨ ?
ਪਰਿਵਾਰ ਵਾਲਿਆਂ ਨੇ ਦੱਸਿਆ ਕਿ ਕੁੜੀ ਦਾ ਪਰਿਵਾਰ ਆਰਥਿਕ ਤੌਰ 'ਤੇ ਕਮਜ਼ੋਰ ਹੈ। ਇਸੇ ਕਾਰਨ ਵਿਆਹ ਦਾ ਖ਼ਰਚਾ ਚੁੱਕਣ ਵਿੱਚ ਮੁਸ਼ਕਲ ਹੋਣ ਕਰਕੇ, ਆਪਸੀ ਸਹਿਮਤੀ ਨਾਲ ਕੁੜੀ ਨੂੰ ਵਿਆਹ ਤੋਂ ਪਹਿਲਾਂ ਹੀ ਲਾੜੇ ਦੇ ਘਰ ਭੇਜ ਦਿੱਤਾ ਗਿਆ ਸੀ, ਜਿੱਥੋਂ ਵਿਆਹ ਦੀਆਂ ਰਸਮਾਂ ਸੰਪੰਨ ਹੋਣੀਆਂ ਸਨ।
ਦੂਜੇ ਪਾਸੇ ਲਾੜੇ ਦੇ ਪਰਿਵਾਰ ਦਾ ਕਹਿਣਾ ਹੈ ਕਿ ਕੁੜੀ ਨੇ ਕਦੇ ਵਿਆਹ ਤੋਂ ਇਨਕਾਰ ਨਹੀਂ ਕੀਤਾ ਸੀ ਅਤੇ ਪਿਛਲੇ 15 ਦਿਨਾਂ ਤੋਂ ਘਰ ਵਿੱਚ ਬਿਲਕੁਲ ਆਮ ਵਾਂਗ ਰਹਿ ਰਹੀ ਸੀ। ਅਜਿਹੇ ਵਿੱਚ ਵਿਆਹ ਤੋਂ ਠੀਕ ਪਹਿਲਾਂ ਉਸ ਦਾ ਅਚਾਨਕ ਲਾਪਤਾ ਹੋ ਜਾਣਾ ਪੂਰੇ ਪਰਿਵਾਰ ਲਈ ਚਿੰਤਾ ਦਾ ਵਿਸ਼ਾ ਬਣ ਗਿਆ ਹੈ। ਉੱਥੇ ਹੀ, ਲਾੜੇ ਦੀ ਉਮਰ ਜ਼ਿਆਦਾ ਹੋਣ ਕਾਰਨ ਪਿੰਡ ਵਾਸੀਆਂ ਵਿੱਚ ਤਰ੍ਹਾਂ-ਤਰ੍ਹਾਂ ਦੀਆਂ ਗੱਲਾਂ ਵੀ ਹੋ ਰਹੀਆਂ ਹਨ।
.jpeg)
.jpeg)
