ਸਿਆਸੀ ਥ੍ਰਿਲਰ ਫਿਲਮ ‘ਚ ਨਜ਼ਰ ਆਉਣਗੇ ਵਿਕਰਾਂਤ ਮੈਸੀ, ਸਕ੍ਰਿਪਟ ਪੜ੍ਹ ਕੇ ਹੈਰਾਨ ਹੋਏ ਅਦਾਕਾਰ

Political Thriller Film

ਵਿਧੂ ਵਿਨੋਦ ਚੋਪੜਾ (Vidhu Vinod Chopra) ਦੇ ਨਿਰਦੇਸ਼ਨ ‘ਚ ਬਣੀ ਫਿਲਮ ‘12ਵੀਂ ਫੇਲ’ ਨੂੰ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ ਹੈ। ਨਾਲ ਹੀ ਵਿਕਰਾਂਤ ਮੈਸੀ (Vikrant Massey) ਦੀ ਪ੍ਰਫਾਰਮੈਂਸ ਲਈ ਹਰ ਥਾਂ ਸ਼ਲਾਘਾ ਕੀਤੀ ਜਾ ਰਹੀ ਹੈ। ਫਿਲਮ ਦੀ ਸਫਲਤਾ ਨਾਲ ਵਿਕਰਾਂਤ ਨੂੰ ਵੀ ਕਾਫੀ ਖੁਸ਼ੀ ਹੈ। ਫਿਲਮ ਓਟੀਟੀ ਉੱਤੇ ਵੀ ਬਹੁਤ ਕਮਾਲ ਕਰ ਰਹੀ ਹੈ। ਵਿਕਰਾਂਤ ਇਨ੍ਹੀਂ ਦਿਨੀਂ ਬਹੁਤ ਖੁਸ਼ ਹਨ। ਉਸ ਦੀ ਅਦਾਕਾਰੀ ਤੋਂ ਪ੍ਰਭਾਵਿਤ ਹੋ ਕੇ ਫ਼ਿਲਮ ਮੇਕਰਸ ਉਸ ਨਾਲ ਫ਼ਿਲਮ ਬਣਾਉਣ ਲਈ ਉਤਾਵਲੇ ਹਨ। ਇਨ੍ਹਾਂ ਫਿਲਮ ਮੇਕਰਸ ਵਿੱਚ ਏਕਤਾ ਕਪੂਰ ਵੀ ਸ਼ਾਮਲ ਹੈ, ਜਿਸ ਨੇ ਵਿਕਰਾਂਤ ਨੂੰ ਆਪਣੀ ਇੱਕ ਫ਼ਿਲਮ ਵੀ ਆਫਰ ਕਰ ਦਿੱਤੀ ਹੈ।

ਇਹ ਫਿਲਮ ਸਮਾਜਿਕ-ਰਾਜਨੀਤਿਕ ਮੁੱਦੇ ‘ਤੇ ਆਧਾਰਿਤ ਹੋਵੇਗੀ। ਇਹ ਇੱਕ ਸੱਚੀ ਘਟਨਾ ‘ਤੇ ਆਧਾਰਿਤ ਹੋਵੇਗੀ। ਫਿਲਮ ਦਾ ਨਾਂ ਅਜੇ ਤੈਅ ਨਹੀਂ ਹੋਇਆ ਹੈ। ਪਿੰਕਵਿਲਾ ਦੀ ਰਿਪੋਰਟ ਮੁਤਾਬਕ ਏਕਤਾ ਕਪੂਰ ਨੇ ਵਿਕਰਾਂਤ ਮੈਸੀ (Vikrant Massey) ਨੂੰ ਜਿਸ ਫਿਲਮ ਲਈ ਅਪ੍ਰੋਚ ਕੀਤਾ ਹੈ, ਉਹ 2000 ਦੇ ਦਹਾਕੇ ‘ਚ ਆਏ ਸਿਆਸੀ ਬਦਲਾਅ ‘ਤੇ ਆਧਾਰਿਤ ਹੋਵੇਗੀ। ਇਸ ਦੌਰਾਨ ਦੇਸ਼ ਦੀ ਰਾਜਨੀਤੀ ਵਿੱਚ ਕਾਫੀ ਉਥਲ-ਪੁਥਲ ਹੋਈ ਸੀ। ਫਿਲਮ ਦਾ ਨਿਰਦੇਸ਼ਨ ਰੰਜਨ ਚੰਦੇਲ ਕਰਨਗੇ, ਜਿਨ੍ਹਾਂ ਨੇ ‘ਗ੍ਰਹਿਣ’ ਵਰਗੀ ਵੈੱਬ ਸੀਰੀਜ਼ ਦਾ ਨਿਰਦੇਸ਼ਨ ਕੀਤਾ ਸੀ।

ਇਸ ਵਿਸ਼ੇ ‘ਤੇ ਪਹਿਲੀ ਵਾਰ ਫਿਲਮ ਬਣਾਈ ਜਾ ਰਹੀ ਹੈ: ਫਿਲਮ ਨਾਲ ਜੁੜੇ ਇਕ ਸੂਤਰ ਦਾ ਕਹਿਣਾ ਹੈ, ‘ਏਕਤਾ ਆਰ ਕਪੂਰ ਇਸ ਕਹਾਣੀ ਨੂੰ ਵੱਡੇ ਪਰਦੇ ‘ਤੇ ਲਿਆਉਣ ਲਈ ਉਤਸ਼ਾਹਿਤ ਹੈ। ਭਾਵੇਂ ਪਿਛਲੇ ਕੁਝ ਸਾਲਾਂ ਵਿੱਚ ਇਸ ਕਿੱਸੇ ਨੂੰ ਲੈ ਕੇ ਕਈ ਬਹਿਸ ਹੋ ਚੁੱਕੀਆਂ ਹਨ, ਪਰ ਕਿਸੇ ਨੇ ਵੀ ਇਸ ਵਿਸ਼ੇ ’ਤੇ ਫਿਲਮ ਬਣਾਉਣ ਦੀ ਹਿੰਮਤ ਨਹੀਂ ਕੀਤੀ। ਏਕਤਾ ਹਮੇਸ਼ਾ ਅਜਿਹੇ ਜੋਖਮ ਲੈਂਦੀ ਰਹੀ ਹੈ।

READ ALSO:ਅਪਰਾਧੀ ਦਾ ਪਿੱਛਾ ਕਰਦੇ ਹੋਏ ASI ਨੂੰ ਪਿਆ ਦਿਲ ਦਾ ਦੌਰਾ : ਅੰਮ੍ਰਿਤਸਰ ਹਸਪਤਾਲ ‘ਚ ਹੋਈ ਮੌਤ

“ਸਿਆਸੀ ਥ੍ਰਿਲਰ ਹੋਵੇਗੀ ਵਿਕਰਾਂਤ ਮੈਸੀ (Vikrant Massey) ਦੀ ਇਹ ਫਿਲਮ
ਸੂਤਰ ਨੇ ਅੱਗੇ ਕਿਹਾ, “ਏਕਤਾ ਕਪੂਰ ਨੇ ਇਸ ਸਿਆਸੀ ਥ੍ਰਿਲਰ ਨੂੰ ਬਣਾਉਣ ਦਾ ਸਖ਼ਤ ਫੈਸਲਾ ਲਿਆ ਹੈ। ਉਹ ਇਸ ਕਹਾਣੀ ਦਾ ਸਮਰਥਨ ਕਰ ਰਹੀ ਹੈ ਅਤੇ ਉਸ ਨੇ ਇਸ ਨੂੰ ਬਣਾਉਣ ਦਾ ਫੈਸਲਾ ਕੀਤਾ ਹੈ। ਫਿਲਮ ਦੀ ਸਕ੍ਰਿਪਟ ਤਿਆਰ ਹੈ ਅਤੇ ਵਿਕਰਾਂਤ ਮੈਸੀ (Vikrant Massey) ਸਕ੍ਰਿਪਟ ਸੁਣ ਕੇ ਖੁਸ਼ ਹਨ। ਉਨ੍ਹਾਂ ਕਿਹਾ, ‘‘ਇਸ ਫਿਲਮ ‘ਚ ਵਿਕਰਾਂਤ ਮੈਸੀ (Vikrant Massey) ਦੀ ਐਕਟਿੰਗ ਦੀ ਇਕ ਹੋਰ ਪਰਤ ਦੇਖਣ ਨੂੰ ਮਿਲੇਗੀ। ਵਿਕਰਾਂਤ, ਏਕਤਾ ਅਤੇ ਰੰਜਨ ਇਸ ਫਿਲਮ ਨੂੰ ਲੈ ਕੇ ਪਿਛਲੇ ਮਹੀਨੇ ਕਈ ਵਾਰ ਮਿਲੇ ਹਨ। ਇਸ ਫਿਲਮ ਦੀ ਸ਼ੂਟਿੰਗ ਅਗਲੇ ਕੁਝ ਮਹੀਨਿਆਂ ‘ਚ ਸ਼ੁਰੂ ਹੋ ਜਾਵੇਗੀ। ਬਾਲਾਜੀ ਮੋਸ਼ਨ ਪਿਕਚਰ ਫਿਲਮ ਦਾ ਨਿਰਮਾਣ ਕਰ ਰਿਹਾ ਹੈ। ਫਿਲਮ ਦੀ ਕਹਾਣੀ ਅਸੀਮ ਅਰੋੜਾ ਨੇ ਲਿਖੀ ਹੈ।

Political Thriller Film