Gurdaspur Lok Sabha Election 

ਗੁਰਦਾਸਪੁਰ ਲੋਕ ਸਭਾ ਸੀਟ ‘ਤੇ ਲੋਕ ਸਭਾ ਚੋਣਾਂ 2024 ਲਈ ਸਵੇਰੇ 7 ਵਜੇ ਤੋਂ ਵੋਟਿੰਗ ਜਾਰੀ ਹੈ। ਸਵੇਰੇ 9 ਵਜੇ ਤੱਕ ਇਸ ਸੀਟ ‘ਤੇ 8.81 ਫੀਸਦੀ ਵੋਟਿੰਗ ਹੋ ਚੁੱਕੀ ਹੈ। ਇਸ ਸਮੇਂ ਠੰਢ ਕਾਰਨ ਬੂਥ ਸੈਂਟਰ ‘ਤੇ ਲੋਕਾਂ ਦੀਆਂ ਲੰਬੀਆਂ ਲਾਈਨਾਂ ਲੱਗ ਗਈਆਂ ਹਨ। ਵੋਟਿੰਗ ਸ਼ਾਮ 6 ਵਜੇ ਤੱਕ ਜਾਰੀ ਰਹੇਗੀ। ਇਸ ਦੌਰਾਨ ‘ਆਪ’ ਉਮੀਦਵਾਰ ਅਮਨਸ਼ੇਰ ਸਿੰਘ ਸ਼ੈਰੀ ਕਲਸੀ ਨੇ ਆਪਣੀ ਵੋਟ ਪਾਈ। ਇਸ ਤੋਂ ਪਹਿਲਾਂ ਕਾਂਗਰਸੀ ਉਮੀਦਵਾਰ ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਪਰਿਵਾਰ ਸਮੇਤ ਪਹਿਲਾਂ ਗੁਰਦੁਆਰਾ ਸਾਹਿਬ ਵਿਖੇ ਮੱਥਾ ਟੇਕਿਆ ਅਤੇ ਫਿਰ ਆਪਣੀ ਵੋਟ ਪਾਈ।

ਗੁਰਦਾਸਪੁਰ ਸੀਟ ‘ਤੇ ਪਹਿਲਾਂ ਕਈ ਥਾਵਾਂ ‘ਤੇ ਵੋਟਿੰਗ ਮਸ਼ੀਨਾਂ ‘ਚ ਤਕਨੀਕੀ ਖਰਾਬੀ ਸਾਹਮਣੇ ਆਈ ਸੀ। ਹਾਲਾਂਕਿ ਪ੍ਰਸ਼ਾਸਨ ਨੇ ਜਲਦੀ ਹੀ ਇਸ ਸਮੱਸਿਆ ਦਾ ਹੱਲ ਕਰ ਦਿੱਤਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਇਸ ਸੀਟ ‘ਤੇ ਕੁੱਲ 16 ਲੱਖ 3 ਹਜ਼ਾਰ 628 ਵੋਟਰ ਹਨ। ਇਨ੍ਹਾਂ ਵਿੱਚ 8 ਲੱਖ 48 ਹਜ਼ਾਰ 196 ਪੁਰਸ਼ ਵੋਟਰ, 7 ਲੱਖ 55 ਹਜ਼ਾਰ 396 ਮਹਿਲਾ ਵੋਟਰ ਅਤੇ 36 ਟਰਾਂਸਜੈਂਡਰ ਵੋਟਰ ਹਨ।

ਇਹ ਵੀ ਪੜ੍ਹੋ:ਪੰਜਾਬ ਰਾਜ ਸਭਾ ਮੈਂਬਰ ਹਰਭਜਨ ਸਿੰਘ ਨੇ ਜਲੰਧਰ ‘ਚ ਪਾਈ ਵੋਟ

ਇਸ ਸੀਟ ‘ਤੇ ਮੁੱਖ ਮੁਕਾਬਲਾ ਆਮ ਆਦਮੀ ਪਾਰਟੀ (ਆਪ) ਦੇ ਉਮੀਦਵਾਰ ਵਿਧਾਇਕ ਅਮਨਸ਼ੇਰ ਸਿੰਘ ਸ਼ੈਰੀ ਕਲਸੀ, ਕਾਂਗਰਸ ਦੇ ਉਮੀਦਵਾਰ ਸਾਬਕਾ ਉਪ ਮੁੱਖ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ, ਭਾਜਪਾ ਦੇ ਦਿਨੇਸ਼ ਬੱਬੂ ਅਤੇ ਅਕਾਲੀ ਦਲ ਦੇ ਡਾਕਟਰ ਦਲਜੀਤ ਚੀਮਾ ਵਿਚਕਾਰ ਹੈ। ਇਸ ਸੀਟ ਲਈ ਕੁੱਲ 26 ਉਮੀਦਵਾਰ ਮੈਦਾਨ ਵਿੱਚ ਹਨ।

Gurdaspur Lok Sabha Election 

Election Results 2024

ਲੋਕਤੰਤਰ ਦੇਸ਼ ਦੇ ਅੰਦਰ ਸਭ ਤੋਂ ਵੱਡਾ ਤਿਉਹਾਰ ਓਦੋ ਹੁੰਦਾ ਜਦੋ ਦੇਸ਼ ਨੂੰ ਚਲਾਉਣ ਲਈ ਲੋਕ ਆਪਣੀ ਮਰਜੀ ਨਾਲ ਸਰਕਾਰ ਚੁਣਦੇ ਨੇ , ਲੋਕਾਂ ਕੋਲ ਇਹ ਅਧਿਕਾਰ ਹੁੰਦਾ ਹੈ ,ਕਿ ਉਹ ਆਪਣੀ ਸਰਕਾਰ ਚੁਣ ਸਕਣ | ਪਰ ਹੁਣ ਜੋ ਵੋਟਿੰਗ ਹੁੰਦੀ ਹੈ ਜਾ ਜੋ ਚੁਣਾਵ ਹੋ ਰਹੇ ਨੇ ਉਹ ਨਿਰਪੱਖ ਤਰੀਕੇ ਨਾਲ ਨਹੀਂ ਹੁੰਦੀ , ਜਿਸ ਕਰ ਕੇ ਲੋਕਾਂ ਦਾ ਭਰੋਸਾ ਸਾਰੀਆਂ ਪਾਰਟੀਆਂ ਤੋਂ ਉੱਠ ਚੁੱਕਾ ਹੈ ਜਿਸ ਕਾਰਨ ਲੋਕ ਹੁਣ ਚੋਣਾਂਵ ਚ ਆਪਣੀ ਕੋਈ ਜ਼ਿਆਦਾ ਦਿਲਚਪਸੀ ਨਹੀਂ ਦਿਖਾ ਰਹੇ

ਚੋਣਾਂ ਦਾ ਹਰ ਗੇੜ ਇਕ ਗੱਲ ਚੀਕ ਚੀਕ ਕੇ ਦਸ ਰਿਹਾ ਹੈ ਕਿ ਆਮ ਜਨਤਾ ਇਸ ਪ੍ਰਕਿਰਿਆ ਤੋਂ ਨਿਰਾਸ਼ ਹੋ ਚੁੱਕੀ ਹੈ। ਚੋਣ ਕਮਿਸ਼ਨ ਤੋਂ ਲੈ ਕੇ ਸਿਆਸਤਦਾਨ ਤੇ ਅਫ਼ਸਰਸ਼ਾਹੀ, ਲੋਕਾਂ ਨੂੰ ਵੋਟਾਂ ਪਾਉਣ ਵਾਸਤੇ ਉਤਸ਼ਾਹਤ ਕਰਨ ਦੇ ਯਤਨ ਕਰ ਰਹੀ ਹੈ ਪਰ ਫਿਰ ਵੀ ਲੋਕਾਂ ਦਾ ਉਤਸ਼ਾਹ ਘਟਦਾ ਹੀ ਜਾ ਰਿਹਾ ਹੈ। ਸਿਰਫ਼ ਇਕ ਸੂਬਾ ਹੈ ਜਿਸ ਵਿਚ ਗਿਣਤੀ ਵਧੀ ਹੈ ਤੇ ਉਹ ਹੈ ਜੰਮੂ-ਕਸ਼ਮੀਰ, ਜਿਥੇ ਇਸ ਵਾਰ 65.8% ਵੋਟ ਪਈ ਹੈ ਜੋ 2019 ਤੋਂ 7.73% ਵੱਧ ਬਣਦੀ ਹੈ।

ਇਸ ਵਾਰ ਪਛਮੀ ਬੰਗਾਲ ਵਿਚ ਸੱਭ ਤੋਂ ਵੱਧ ਵੋਟ ਪਈ ਹੈ ਅਰਥਾਤ 77.57 ਫ਼ੀ ਸਦੀ ਜੋ ਕਿ ਪਿਛਲੀ ਵਾਰ ਤੋਂ 6.22% ਘੱਟ ਹੈ। ਲਕਸ਼ਦੀਪ ਵਿਚ ਭਾਵੇਂ ਹਾਲ ਹੀ ਵਿਚ ਪ੍ਰਧਾਨ ਮੰਤਰੀ ਨੇ ਆਪ ਜਾ ਕੇ ਸੂਬੇ ਦੀ ਪ੍ਰੀਸ਼ਦ ਬਣਾਉਣ ਦੀ ਜ਼ਿੰਮੇਵਾਰੀ ਲਈ ਪਰ ਉਸ ਮਗਰੋਂ ਮਾਲਦੀਪ ਨਾਲ ਰਿਸ਼ਤਿਆਂ ਵਿਚ ਐਨੀ ਗਿਰਾਵਟ ਆਈ ਕਿ ਮਾਲਦੀਪ ਨੇ ਚੀਨ ਦਾ ਸਾਥ ਲੈ ਕੇ ਭਾਰਤੀ ਸੈਨਾ ਨੂੰ ਦੇਸ਼ ਨਿਕਾਲਾ ਦੇ ਦਿਤਾ। ਇਸ ਸੱਭ ਕੁੱਝ ਸਦਕਾ, ਵੋਟਾਂ ਵਿਚ 25.95 ਕਮੀ ਆਈ। ਨਾਗਾਲੈਂਡ ਵਿਚ ਇਸ ਵਾਰ 2019 ਦੇ ਮੁਕਾਬਲੇ 29.3% ਘੱਟ ਵੋਟਾਂ ਪਈਆਂ।

ਮਹਾਰਾਸ਼ਟਰ ਵਿਚ ਵੀ ਘੱਟ ਵੋਟਾਂ ਅਖਰਦੀਆਂ ਰਹੀਆਂ ਪਰ ਸੱਭ ਤੋਂ ਵੱਧ ਹੈਰਾਨ ਕਰ ਦਿਤਾ ਬਿਹਾਰ ਤੇ ਉੱਤਰ ਪ੍ਰਦੇਸ਼ ਨੇ ਜਿਥੇ 5.98 ਤੇ 6.27 ਫ਼ੀਸਦੀ ਵੋਟ ਘਟੀ। ਇਸ ਪ੍ਰਕਿਰਿਆ ਵਿਚ ਔਰਤਾਂ ਦੀ ਹਿੱਸੇਦਾਰੀ ਦੇ ਨਾਲ ਨਾਲ ਸ਼ਹਿਰੀ ਵੋਟਰਾਂ ਅਤੇ ਨੌਜੁਆਨਾਂ ਦੀ ਹਿੱਸੇਦਾਰੀ ਵੀ ਘੱਟ ਰਹੀ। ਚੋਣ ਨਤੀਜਿਆਂ ਦੇ ਨਾਲ ਨਾਲ ਇਸ ਦਾ ਅਸਰ ਚੋਣ ਭਾਸ਼ਣਾਂ ਵਿਚ ਨਜ਼ਰ ਆਇਆ। ਖ਼ਾਸ ਕਰ ਕੇ ਗੱਲ ਕਰੀਏ ਤਾਂ ਪ੍ਰਧਾਨ ਮੰਤਰੀ ਦੇ ਭਾਸ਼ਣਾਂ ਵਿਚ ਤਾਂ ਜ਼ਬਰਦਸਤ ਤਬਦੀਲੀ ਵੇਖਣ ਨੂੰ ਮਿਲੀ।

ਜਿਥੇ ਪਹਿਲੇ ਗੇੜ ਦੇ ਭਾਸ਼ਣਾਂ (17 ਮਾਰਚ, ਅਪ੍ਰੈਲ 5) ਵਿਚ ਪ੍ਰਧਾਨ ਮੰਤਰੀ ਨੇ ਕਾਂਗਰਸ ਦਾ ਨਾਮ ਸਿਰਫ਼ 10 ਵਾਰ ਲਿਆ, ਔਰਤਾਂ ਦਾ 9 ਵਾਰ, ਰਾਮ ਮੰਦਰ ਦਾ 6 ਵਾਰ, ਉਥੇ 6 ਅਪ੍ਰੈਲ ਤੇ 20 ਅਪ੍ਰੈਲ ਦੇ ਭਾਸ਼ਣਾਂ ਵਿਚ ਕਾਂਗਰਸ ਦਾ 33 ਵਾਰ, ਰਾਮ ਮੰਦਰ ਦਾ 26 ਵਾਰ ਤੇ 21 ਅਪ੍ਰੈਲ ਤੋਂ 15 ਮਈ ਦੇ ਭਾਸ਼ਣਾਂ ਵਿਚ ਕਾਂਗਰਸ ਦਾ 63 ਵਾਰ, ਔਰਤਾਂ ਦਾ ਬਿਲਕੁਲ ਨਹੀਂ, ਰਾਮ ਮੰਦਰ-ਬਿਲਕੁਲ ਨਹੀਂ, ਹਿੰਦੂ-ਮੁਸਲਿਮ 60 ਵਾਰ। ਭਾਸ਼ਣਾਂ ਦੀ ਗਿਣਤੀ ਵੀ ਵੱਧ ਰਹੀ ਹੈ ਤੇ ਨਾਲੋ ਨਾਲ ਤਿੱਖੀ ਤੇ ਹਿੰਦੂ, ਮੁਸਲਿਮ ਨੂੰ ਦੋ ਕੌਮਾਂ ਮੰਨਣ ਵਾਲੀ ਸ਼ਬਦਾਵਲੀ ਦੀ ਵਰਤੋਂ ਵੀ ਵੱਧ ਰਹੀ ਹੈ।

ਇਕ ਗੱਲ ਤਾਂ ਸਾਫ਼ ਹੈ ਕਿ ਰਾਮ ਮੰਦਰ ਨਿਰਮਾਣ ਨਾਲ ਭਾਜਪਾ ਨੂੰ ਉਸ ਤਰ੍ਹਾਂ ਦਾ ਫ਼ਾਇਦਾ ਹੁੰਦਾ ਨਜ਼ਰ ਨਹੀਂ ਆ ਰਿਹਾ ਜਿੰਨਾ ਹੋਣ ਦੀ ਉਮੀਦ ਸੀ। ਉੱਤਰ ਪ੍ਰਦੇਸ਼ ਵਿਚ ਤਾਂ ਰਾਮ ਮੰਦਰ ਤੋਂ ਬਾਅਦ ਲੋਕਾਂ ਦਾ ਹੜ੍ਹ ਆਉਣਾ ਚਾਹੀਦਾ ਸੀ ਪਰ ਕਿਥੇ ਹੈ ਉਹ ਹੜ੍ਹ? ਸੀਏਏ, ਰਾਮ ਮੰਦਰ ਦੋ ਵੱਡੇ ਮੁੱਦੇ ਸਨ ਪਰ ਲੋਕਾਂ ਦਾ ਮੱਠਾ ਜੋਸ਼ ਵੇਖ ਕੇ ਪ੍ਰਧਾਨ ਮੰਤਰੀ ਦੇ 21 ਅਪ੍ਰੈਲ ਤੋਂ ਮਈ 15 ਦੇ ਭਾਸ਼ਣਾਂ ਵਿਚ 60 ਵਾਰ ਹਿੰਦੂ-ਮੁਸਲਿਮ ਵਿਰੋਧ ਦਾ ਜ਼ਿਕਰ ਹੋਇਆ ਹੈ ਪਰ ਉਸ ਦੇ ਬਾਵਜੂਦ ਵੀ ਲੋਕ ਵੋਟਾਂ ਪਾਉਣ ਲਈ ਅੱਗੇ ਨਹੀਂ ਆਏ।

READ ALSO : ਚੋਣ ਡਿਊਟੀ ਵਿਚ ਕੁਤਾਹੀ ਵਰਤਣ ਵਾਲੇ ਬੀਡੀਪੀਓ ਸਮੇਤ 6 ਮੁਅੱਤਲ 

ਕੀ ਆਮ ਲੋਕਾਂ ਵਲੋਂ ਵੋਟ ਪਾਉਣ ਵਿਚ ਵਿਖਾਈ ਜਾ ਰਹੀ ਘੱਟ ਦਿਲਚਸਪੀ ਸਰਕਾਰਾਂ ਨੂੰ ਕੋਈ ਵੱਡਾ ਸੰਕੇਤ ਦੇ ਰਹੀ ਹੈ ਜਿਸ ਦਾ ਅਸਰ ਅਸੀ ਪ੍ਰਧਾਨ ਮੰਤਰੀ ਦੇ ਭਾਸ਼ਣਾਂ ਵਿਚ ਵੇਖ ਰਹੇ ਹਾਂ? ਇਨਸਾਨੀ ਫ਼ਿਤਰਤ ਐਸੀ ਹੈ ਕਿ ਅੰਦਾਜ਼ੇ ਲਗਾਉਣਾ ਅਸਲ ਤੋਂ ਜ਼ਿਆਦਾ ਅਨੰਦ ਦੇਂਦਾ ਹੈ ਤੇ ਇਹ ਅਨੰਦ ਪੰਜਾਬੀ ਵੋਟਰ ਵੀ ਲੈ ਰਿਹਾ ਹੈ। ਜਿਥੇ ਪ੍ਰਧਾਨ ਮੰਤਰੀ ਤੇਜ਼ ਹੋ ਰਹੇ ਹਨ, ਉਥੇ ਹੀ ਕਾਂਗਰਸ ਦਾ ਅਪਣੀ ਜਿੱਤ ਬਾਰੇ ਨਿਸ਼ਚਾ ਮਜ਼ਬੂਤ ਹੋ ਰਿਹਾ ਹੈ ਜਾਂ ਅਜਿਹਾ ਵਿਖਾਵਾ ਕੀਤਾ ਜਾ ਰਿਹਾ ਹੈ। ਇਕ ਗੱਲ ਤਾਂ ਸਾਫ਼ ਹੈ ਕਿ 400 ਪਾਰ ਵੀ ਨਹੀਂ ਹੋਣ ਲੱਗਾ ਪਰ ਕੀ ਹੋਵੇਗਾ, ਉਹ ਵੀ ਸਾਫ਼ ਨਹੀਂ ਭਾਵੇਂ ਇਸ ਬਾਰੇ ਘਬਰਾਹਟ ਜ਼ਰੂਰ ਵਧੀ ਜਾ ਰਹੀ ਹੈ। 4 ਜੂਨ ਦਾ ਇੰਤਜ਼ਾਰ ਕਰਨਾ ਹੀ ਹੋਵੇਗਾ।

ਸੋ ਹੁਣ 4 ਜੂਨ ਤੱਕ ਸਾਰੀਆਂ ਸਿਆਸੀ ਪਾਰਟੀਆਂ ਤੇ ਉਮੀਦਵਾਰਾਂ ਦੀਆ ਨੀਂਦਾ ਉੱਡ ਚੁੱਕੀਆਂ ਨੇ ਕਿਉਕਿ ਹੁਣ ਚਾਰ ਜੂਨ ਹੀ ਦੱਸੇਗੀ ਕੇ ਜਿੱਤ ਦਾ ਸਿਹਰਾ ਕਿਸਦੇ ਸਿਰ ਸਜੇਗਾ |

Election Results 2024

 MP Dr. Arvind Sharma

ਹਰਿਆਣਾ ਦੀ ਰੋਹਤਕ ਲੋਕ ਸਭਾ ਸੀਟ ਤੋਂ ਭਾਜਪਾ ਦੇ ਸੰਸਦ ਮੈਂਬਰ ਡਾਕਟਰ ਅਰਵਿੰਦ ਸ਼ਰਮਾ ਦਾ ਵਿਰੋਧ ਜਾਰੀ ਹੈ। ਸ਼ਰਮਾ ਇਸ ਵਾਰ ਲੋਕ ਸਭਾ ਚੋਣਾਂ ਲਈ ਵੀ ਉਮੀਦਵਾਰ ਹਨ। ਜਿਸ ਲਈ ਉਹ ਲਗਾਤਾਰ ਆਪਣੇ ਲੋਕ ਸਭਾ ਹਲਕੇ ਵਿੱਚ ਜਾ ਕੇ ਵੋਟਾਂ ਦੀ ਅਪੀਲ ਕਰ ਰਹੇ ਹਨ। ਉਨ੍ਹਾਂ ਨੂੰ ਕਈ ਥਾਵਾਂ ‘ਤੇ ਵਿਰੋਧ ਦਾ ਸਾਹਮਣਾ ਕਰਨਾ ਪਿਆ ਹੈ।

ਇਸ ਦੌਰਾਨ ਅਰਵਿੰਦ ਸ਼ਰਮਾ ਵੀਰਵਾਰ ਨੂੰ ਰੋਹਤਕ ਦੇ ਪਿੰਡ ਸਿਸਰੌਲੀ ਪਹੁੰਚੇ। ਜਿੱਥੇ ਪ੍ਰੋਗਰਾਮ ਦੇ ਵਿਚਕਾਰ ਹੀ ਉਨ੍ਹਾਂ ਦਾ ਵਿਰੋਧ ਸ਼ੁਰੂ ਹੋ ਗਿਆ। ਇੱਕ ਕੁੜੀ ਨੇ ਸਟੇਜ ਤੋਂ ਮਾਈਕ ਚੁੱਕ ਲਿਆ। ਉਨ੍ਹਾਂ ਨੇ ਸੰਸਦ ਮੈਂਬਰ ਨੂੰ ਕਈ ਸਵਾਲ ਪੁੱਛੇ। ਜਿਸ ‘ਚ ਮੁੱਖ ਤੌਰ ‘ਤੇ ਪੁੱਛਿਆ ਗਿਆ ਕਿ ਪੰਜ ਸਾਲ ਤੋਂ ਸੰਸਦ ਮੈਂਬਰ ਕਿੱਥੇ ਸਨ। ਹੁਣ ਚੋਣਾਂ ਵਿੱਚ ਉਨ੍ਹਾਂ ਦੀਆਂ ਵੋਟਾਂ ਦੀ ਲੋੜ ਹੈ, ਇਸ ਲਈ ਸੰਸਦ ਮੈਂਬਰ ਵੋਟਾਂ ਮੰਗਣ ਆਏ ਹਨ। ਜਿਸ ਨੂੰ ਲੈ ਕੇ ਤਣਾਅ ਬਣਿਆ ਹੋਇਆ ਸੀ।

READ ALSO : ਜੈਸਲਮੇਰ ਵਿੱਚ ਹਵਾਈ ਸੈਨਾ ਦਾ ਜਾਸੂਸੀ ਜਹਾਜ਼ ਹੋਇਆ ਕਰੈਸ਼

ਮੌਕੇ ‘ਤੇ ਭਾਜਪਾ ਵਰਕਰਾਂ ਨੇ ਲੜਕੀ ਦੇ ਬਿਆਨ ਦਾ ਵਿਰੋਧ ਕੀਤਾ। ਪੁਲਿਸ ਨੇ ਲੜਕੀ ਤੋਂ ਮਾਈਕ ਖੋਹ ਲਿਆ। ਉਸ ਨੂੰ ਸਟੇਜ ਤੋਂ ਹੇਠਾਂ ਉਤਾਰ ਕੇ ਜ਼ਬਰਦਸਤੀ ਉਥੋਂ ਚੁੱਕ ਲਿਆ ਗਿਆ।

 MP Dr. Arvind Sharma

Lok Sabha Election

ਵਾਰਿਸ ਪੰਜਾਬ ਜਥੇਬੰਦੀ ਦੇ ਮੁਖੀ ਅੰਮ੍ਰਿਤਪਾਲ ਸਿੰਘ ਲੋਕ ਸਭਾ ਹਲਕਾ ਖਡੂਰ ਸਾਹਿਬ ਤੋਂ ਆਜ਼ਾਦ ਚੋਣ ਲੜ ਸਕਦੇ ਹਨ। ਮਿਲੀ ਜਾਣਕਾਰੀ ਅਨੁਸਾਰ ਅੰਮ੍ਰਿਤਪਾਲ ਸਿੰਘ ਦੇ ਵਕੀਲ ਅਤੇ ਸਾਬਕਾ ਸੰਸਦ ਮੈਂਬਰ ਰਾਜਦੇਵ ਸਿੰਘ ਖਾਲਸਾ ਨੇ ਇਕ ਚੈਨਲ ਨੂੰ ਦਸਿਆ ਕਿ ਉਹ ਅੰਮ੍ਰਿਤਪਾਲ ਸਿੰਘ ਨਾਲ ਮੁਲਾਕਾਤ ਕਰਨ ਲਈ ਆਸਾਮ ਦੀ ਡਿਬਰੂਗੜ੍ਹ ਜੇਲ ਵਿਚ ਆਏ ਹੋਏ ਹਨ।ਉਨ੍ਹਾਂ ਨੇ ਅੰਮ੍ਰਿਤਪਾਲ ਲੋਕ ਸਭਾ ਚੋਣਾਂ ਲੜਨ ਦੀ ਅਪੀਲ ਕੀਤੀ। ਇਸ ਮਗਰੋਂ ਅੰਮ੍ਰਿਤਪਾਲ ਸਿੰਘ ਨੇ ਲੋਕ ਸਭਾ ਹਲਕਾ ਖਡੂਰ ਸਾਹਿਬ ਤੋਂ ਆਜ਼ਾਦ ਉਮੀਦਵਾਰ ਵਜੋਂ ਚੋਣ ਲੜਨ ਲਈ ਹਾਮੀ ਭਰ ਦਿਤੀ ਹੈ।

ਜ਼ਿਕਰਯੋਗ ਹੈ ਕਿ ਅੰਮ੍ਰਿਤਪਾਲ ਸਿੰਘ ਨੂੰ ਪੰਜਾਬ ਪੁਲਿਸ ਨੇ ਅਪ੍ਰੈਲ 2023 ਵਿਚ ਮੋਗਾ ਜ਼ਿਲ੍ਹੇ ਦੇ ਰੋਡੇ ਪਿੰਡ ਤੋਂ ਗ੍ਰਿਫਤਾਰ ਕੀਤਾ ਸੀ। ਉਸ ‘ਤੇ ਐਨਐਸਏ ਲਗਾਇਆ ਗਿਆ ਸੀ, ਫੜੇ ਜਾਣ ਤੋਂ ਬਾਅਦ ਉਹ ਅਸਾਮ ਦੀ ਡਿਬਰੂਗੜ੍ਹ ਜੇਲ ਵਿਚ ਬੰਦ ਹੈ। ਹੁਣ ਉਸ ਨੂੰ ਜੇਲ ਵਿਚ ਬੰਦ ਹੋਏ ਲਗਭਗ ਇਕ ਸਾਲ ਹੋ ਗਿਆ ਹੈ। ਪਰਿਵਾਰ ਦੀ ਮੰਗ ਹੈ ਕਿ ਉਸ ਨੂੰ ਡਿਬਰੂਗੜ੍ਹ ਜੇਲ ਦੀ ਬਜਾਏ ਪੰਜਾਬ ਦੀ ਜੇਲ ਵਿਚ ਰੱਖਿਆ ਜਾਵੇ।

READ ALSO : ਮੰਚ ‘ਤੇ ਭਾਸ਼ਣ ਦਿੰਦੇ ਸਮੇਂ ਬੇਹੋਸ਼ ਹੋ ਕੇ ਡਿੱਗੇ ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ

ਅੰਮ੍ਰਿਤਪਾਲ ਸਿੰਘ ਦਾ ਜਨਮ 1993 ਵਿੱਚ ਅੰਮ੍ਰਿਤਸਰ ਦੇ ਪਿੰਡ ਜੱਲੂਪੁਰ ਖੇੜਾ ਵਿੱਚ ਹੋਇਆ ਸੀ। ਅਜੇ 12ਵੀਂ ਪਾਸ ਕਰਨ ਵਾਲਾ ਅੰਮ੍ਰਿਤਪਾਲ ਅਚਾਨਕ ਦੁਬਈ ਚਲਾ ਗਿਆ। ਉਥੇ ਅੰਮ੍ਰਿਤਪਾਲ ਟਰਾਂਸਪੋਰਟ ਦੇ ਕਾਰੋਬਾਰ ਨਾਲ ਜੁੜਿਆ ਹੋਇਆ ਸੀ। ਪੰਜਾਬੀ ਅਦਾਕਾਰ ਅਤੇ ਕਾਰਕੁਨ ਦੀਪ ਸਿੱਧੂ ਨੇ 30 ਸਤੰਬਰ 2021 ਨੂੰ ਵਾਰਿਸ ਪੰਜਾਬ ਦੇ ਸੰਸਥਾ ਦੀ ਸਥਾਪਨਾ ਕੀਤੀ ਸੀ। ਦੀਪ ਸਿੱਧੂ ਨੇ ਕਿਹਾ ਸੀ ਕਿ ਇਸ ਦਾ ਉਦੇਸ਼ ਨੌਜਵਾਨਾਂ ਨੂੰ ਸਿੱਖੀ ਦੇ ਮਾਰਗ ‘ਤੇ ਲਿਆਉਣਾ ਅਤੇ ਪੰਜਾਬ ਨੂੰ ਜਗਾਉਣਾ ਹੈ। ਦੀਪ ਸਿੱਧੂ ਦਾ ਨਾਂ ਕਿਸਾਨ ਅੰਦੋਲਨ ਅਤੇ ਫਿਰ 26 ਜਨਵਰੀ 2021 ਨੂੰ ਲਾਲ ਕਿਲਾ ਹਿੰਸਾ ਮਾਮਲੇ ਵਿੱਚ ਆਇਆ ਸੀ। 15 ਫਰਵਰੀ 2022 ਨੂੰ, ਦੀਪ ਸਿੱਧੂ ਦੀ ਦਿੱਲੀ ਤੋਂ ਪੰਜਾਬ ਪਰਤਦੇ ਸਮੇਂ ਸੋਨੀਪਤ ਨੇੜੇ ਇੱਕ ਸੜਕ ਹਾਦਸੇ ਵਿੱਚ ਮੌਤ ਹੋ ਗਈ ਸੀ। ਮਾਰਚ ਵਿੱਚ ਦਾਅਵਾ ਕੀਤਾ ਗਿਆ ਸੀ ਕਿ ਅੰਮ੍ਰਿਤਪਾਲ ਹੁਣ ਵਾਰਿਸ ਪੰਜਾਬ ਦੇ ਸੰਗਠਨ ਦਾ ਨਵਾਂ ਆਗੂ ਹੈ। ਇਸ ਤੋਂ ਬਾਅਦ 29 ਸਤੰਬਰ 2022 ਨੂੰ ਅੰਮ੍ਰਿਤਪਾਲ ਨੂੰ ਮੋਗਾ ਦੇ ਪਿੰਡ ਰੋਡੇ ਤੋਂ ਗ੍ਰਿਫਤਾਰ ਕੀਤਾ ਗਿਆ। ਇਸ ਤੋਂ ਬਾਅਦ ਅੰਮ੍ਰਿਤਪਾਲ ਨੇ ਸਰਕਾਰ ਅਤੇ ਸਿਸਟਮ ਨੂੰ ਸਿੱਧਾ ਚੈਲੰਜ ਕਰਨਾ ਸ਼ੁਰੂ ਕਰ ਦਿੱਤਾ।

Lok Sabha Election