Thyroid Awareness Month 2024

ਥਾਇਰਾਇਡ ਗਰਦਨ ਦੇ ਅਗਲੇ ਹਿੱਸੇ ‘ਚ ਮੌਜੂਦ ਇੱਕ ਗਲੈਂਡ ਹੈ, ਜੋ ਥਾਇਰਾਇਡ ਹਾਰਮੋਨ ਰਿਲੀਜ਼ ਕਰਦਾ ਹੈ। ਇਹ ਸਾਡੇ ਸਰੀਰ ਦੇ ਮੈਟਾਬੋਲਿਜ਼ਮ ਨੂੰ ਕੰਟਰੋਲ ਕਰਦਾ ਹੈ ਜਿਸ ਕਾਰਨ ਇਸ ਗ੍ਰੰਥੀ ਦੇ ਸਹੀ ਢੰਗ ਨਾਲ ਕੰਮ ਨਾ ਕਰਨ ਨਾਲ ਸਾਡੇ ਪੂਰੇ ਸਰੀਰ ‘ਤੇ ਅਸਰ ਪੈਂਦਾ ਹੈ। ਇਸ ਲਈ ਇਸਦਾ ਸਹੀ ਢੰਗ ਨਾਲ ਕੰਮ ਕਰਨਾ ਬਹੁਤ ਮਹੱਤਵਪੂਰਨ ਹੈ। ਥਾਇਰਾਇਡ ਗਲੈਂਡ ਨੂੰ ਸਿਹਤਮੰਦ ਰੱਖਣ ‘ਚ ਕੁਝ ਖਾਣ ਵਾਲੀਆਂ ਚੀਜ਼ਾਂ ਬਹੁਤ ਮਦਦਗਾਰ ਹੋ ਸਕਦੀਆਂ ਹਨ।

ਆਓ ਥਾਇਰਾਇਡ ਅਵੇਅਰਨੈੱਸ ਮਹੀਨੇ ‘ਚ ਜਾਣਦੇ ਹਾਂ ਕਿ ਆਪਣੀ ਖੁਰਾਕ ‘ਚ ਕਿਹੜੀਆਂ ਖੁਰਾਕੀ ਵਸਤਾਂ ਨੂੰ ਸ਼ਾਮਲ ਕਰ ਕੇ ਤੁਸੀਂ ਆਪਣੇ ਥਾਇਰਾਇਡ ਨੂੰ ਸਿਹਤਮੰਦ ਤਰੀਕੇ ਨਾਲ ਕੰਮ ਕਰਨ ‘ਚ ਮਦਦ ਕਰ ਸਕਦੇ ਹੋ।

ਥਾਇਰਾਇਡ ਗਲੈਂਡ ਨੂੰ ਬਿਹਤਰ ਕੰਮ ਕਰਨ ਲਈ ਕੁਝ ਮਹੱਤਵਪੂਰਨ ਪੌਸ਼ਟਿਕ ਤੱਤਾਂ ਦੀ ਲੋੜ ਹੁੰਦੀ ਹੈ ਜਿਵੇਂਕਿ ਆਇਓਡੀਨ, ਜ਼ਿੰਕ, ਵਿਟਾਮਿਨ ਡੀ, ਵਿਟਾਮਿਨ ਬੀ, ਮੈਗਨੀਸ਼ੀਅਮ ਤੇ ਸੇਲੇਨੀਅਮ। ਇਨ੍ਹਾਂ ਵਿੱਚੋਂ ਆਇਓਡੀਨ ਤੇ ਸੇਲੇਨੀਅਮ ਥਾਇਰਾਇਡ ਲਈ ਸਭ ਤੋਂ ਮਹੱਤਵਪੂਰਨ ਹਨ। ਇਸ ਲਈ ਆਪਣੀ ਖੁਰਾਕ ‘ਚ ਅਜਿਹੀਆਂ ਖੁਰਾਕੀ ਵਸਤਾਂ ਨੂੰ ਸ਼ਾਮਲ ਕਰੋ ਜਿਸ ਤੋਂ ਤੁਹਾਡੇ ਸਰੀਰ ਨੂੰ ਇਹ ਸਾਰੇ ਪੋਸ਼ਕ ਤੱਤ ਲੋੜੀਂਦੀ ਮਾਤਰਾ ‘ਚ ਪ੍ਰਾਪਤ ਹੋ ਸਕਣ।

ਆਇਓਡੀਨ (Iodine)

ਆਇਓਡੀਨ ਥਾਇਰਾਇਡ ਹਾਰਮੋਨਸ T3 ਤੇ T4 ਹਾਰਮੋਨਜ਼ ਨੂੰ ਛੱਡਣ ‘ਚ ਮਦਦ ਕਰਦਾ ਹੈ। ਇਸ ਲਈ ਆਇਓਡੀਨ ਨਾਲ ਭਰਪੂਰ ਭੋਜਨ ਖਾਓ, ਜਿਵੇਂ ਕਿ ਆਇਓਡੀਨ ਵਾਲਾ ਨਮਕ, ਟੂਨਾ, ਮੈਕਰੇਲ, ਦੁੱਧ ਆਦਿ ਆਪਣੀ ਖੁਰਾਕ ਦਾ ਹਿੱਸਾ ਬਣਾਓ।

READ ALSO:ਅੱਜ LIC ਪੇਸ਼ ਕਰੇਗੀ ਨਵੀਂ ਪਾਲਿਸੀ, ਮਿਲੇਗੀ ਲਾਈਫਟਾਈਮ ਇਨਕਮ ਦੀ ਗਾਰੰਟੀ,

ਵਿਟਾਮਿਨ ਡੀ (Vitamin D)

ਵਿਟਾਮਿਨ ਡੀ ਹਾਈਪੋਥਾਈਰੋਡਿਜ਼ਮ ਨੂੰ ਰੋਕਣ ‘ਚ ਮਦਦ ਕਰਦਾ ਹੈ। ਦਰਅਸਲ, ਵਿਟਾਮਿਨ ਡੀ ਦੀ ਕਮੀ ਆਟੋ-ਇਮਿਊਨ ਹਾਈਪੋਥਾਈਰੋਡਿਜ਼ਮ ਦਾ ਕਾਰਨ ਬਣ ਸਕਦੀ ਹੈ। ਇਸ ਲਈ ਵਿਟਾਮਿਨ ਡੀ ਨਾਲ ਭਰਪੂਰ ਭੋਜਨ ਪਦਾਰਥ ਜਿਵੇਂ ਕਿ ਮਸ਼ਰੂਮ, ਅੰਡੇ, ਚਰਬੀ ਵਾਲੀ ਮੱਛੀ (ਟੂਨਾ, ਸਾਰਡਿਨ, ਮੈਕਰੇਲ) ਆਦਿ ਨਿਯਮਿਤ ਰੂਪ ‘ਚ ਖਾਓ। ਇਸ ਦੇ ਨਾਲ ਤੁਸੀਂ ਕੁਝ ਮਜ਼ਬੂਤ ​​​​ਡੇਅਰੀ ਉਤਪਾਦਾਂ ਦੀ ਮਦਦ ਨਾਲ ਵਿਟਾਮਿਨ ਡੀ ਦੀ ਕਮੀ ਨੂੰ ਵੀ ਦੂਰ ਕਰ ਸਕਦੇ ਹੋ।

Thyroid Awareness Month 2024