T20 World Cup Final

IPL ਤੋਂ ਬਾਅਦ ਹੁਣ T20 ਵਿਸ਼ਵ ਕੱਪ ਦਾ ਖੁਮਾਰ ਕ੍ਰਿਕਟ ਪ੍ਰੇਮੀਆਂ ਨੂੰ ਚੜ੍ਹਨਾ ਸ਼ੁਰੂ ਹੋ ਗਿਆ ਹੈ। ਇਹ ਖੁਮਾਰ ਦੇਸ ਤੱਕ ਹੀ ਸੀਮਤ ਨਹੀਂ ਬਲਕਿ ਪੂਰੀ ਦੁਨੀਆਂ ਵਿਚ ਫੈਲਿਆ ਹੋਇਆ ਹੈ। ਹਰ ਕੋਈ ਆਪਣੇ ਦੇਸ ਦੀ ਟੀਮ ਦੀ ਪ੍ਰਸੰਸਾ ਕਰ ਰਿਹਾ ਹੈ ਆਪੋ ਆਪਣੀਆਂ ਭਵਿੱਖਬਾਣੀਆਂ ਕਰ ਰਿਹਾ ਹੈ। ਅਜਿਹੇ ਵਿਚ ਇਕ ਭਵਿੱਖਬਾਣੀ ਇੰਗਲੈਂਡ ਦੇ ਪੂਰਵ ਬੱਲੇਬਾਜ਼ ਪਾੱਲ ਕਲਿੰਗਵੁੱਡ ਨੇ ਵੀ ਕਰ ਦਿੱਤੀ ਹੈ। ਉਸ ਦਾ ਕਹਿਣਾ ਹੈ ਕਿ ਭਾਰਤ ਇਸ ਵਾਰ ਫਾਈਨਲ ਨਹੀਂ ਖੇਡੇਗਾ, ਇਸ ਦੇ ਨਾਲ ਹੀ ਉਸ ਨੇ ਦੋ ਹੋਰ ਟੀਮਾਂ ਦਾ ਨਾਮ ਲਿਆ। ਆਓ ਤੁਹਾਨੂੰ ਪੂਰੀ ਗੱਲ ਤੋਂ ਜਾਣੂ ਕਰਵਾਈਏ –

ਸਟਾਰ ਸਪੋਰਟਸ ਉੱਤੇ ਪੂਰਵ ਖਿਡਾਰੀਆਂ ਦੀ ਆਪਸੀ ਗੱਲਬਾਤ ਦੌਰਾਨ ਜਦ ਸਭਨਾ ਨੂੰ ਫਾਈਨਲ ਦੀਆਂ ਟੀਮਾਂ ਬਾਰੇ ਰਾਇ ਦੇਣ ਲਈ ਕਿਹਾ ਗਿਆ ਤਾਂ ਇੰਗਲੈਂਡ ਦੇ ਖਿਡਾਰੀ ਕਲਿੰਗਵੁੱਡ ਨੇ ਪਹਿਲਾਂ ਨਾਮ ਆਪਣੀ ਟੀਮ ਇੰਗਲੈਂਡ ਦਾ ਲਿਆ। ਇਸ ਦੇ ਨਾਲ ਹੀ ਉਹਨਾਂ ਨੇ ਵਿਸ਼ਵ ਕੱਪ ਦੀਆਂ ਵੱਡੀਆਂ ਦਾਅਵੇਦਾਰ ਮੰਨੀਆਂ ਜਾਂਦੀਆਂ ਟੀਮਾਂ ਭਾਰਤ, ਪਾਕਿਸਤਾਨ, ਆਸਟ੍ਰੇਲੀਆ ਤੇ ਸਾਊਥ ਅਫਰੀਕਾ ਨੂੰ ਛੱਡ ਦਿੱਤਾ ਤੇ ਕਿਹਾ ਕਿ ਇਸ ਵਾਰ ਮੇਜ਼ਬਾਨ ਟੀਮ ਫਾਈਨਲ ਖੇਡੇਗੀ। ਇੱਥੇ ਮੇਜ਼ਬਾਨ ਤੋਂ ਉਹਨਾਂ ਦੀ ਮੁਰਾਦ ਵੈਸਟ ਇੰਡੀਜ਼ ਤੋਂ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਟੀ20 ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਇਸ ਵਾਰ ਵੈਸਟ ਇੰਡੀਜ਼ ਤੇ ਅਮਰੀਕਾ ਸਾਂਝੇ ਰੂਪ ਵਿਚ ਕਰ ਰਹੇ ਹਨ।

ਇਸ ਵਾਰ ਭਾਰਤੀ ਕ੍ਰਿਕਟ ਟੀਮ ਨੂੰ ਟੀ20 ਵਿਸ਼ਵ ਕੱਪ ਦੀ ਵੱਡੀ ਦਾਅਵੇਦਾਰ ਸਮਝਿਆ ਜਾ ਰਿਹਾ ਹੈ। ਬੇਸ਼ੱਕ ਕਲਿੰਗਵੁੱਡ ਨੇ ਭਾਰਤ ਦਾ ਨਾਮ ਨਹੀਂ ਲਿਆ ਪਰ ਇਕ ਦਿਨ ਪਹਿਲਾਂ ਹੀ ਇੰਗਲੈਂਡ ਦੇ ਖਿਡਾਰੀ ਇਓਨ ਮਾਰਗਨ ਨੇ ਭਾਰਤੀ ਟੀਮ ਦੀ ਤਾਰੀਫ਼ ਕੀਤੀ ਹੈ। ਉਹਨਾਂ ਕਿਹਾ ਕਿ ਰੋਹਿਤ ਸ਼ਰਮਾ ਦੀ ਟੀਮ ਅਜਿਹੀ ਹੈ ਕਿ ਕਿਸੇ ਵੀ ਵਿਰੋਧੀ ਨੂੰ ਆਸਾਨੀ ਨਾਲ ਹਰਾ ਸਕਦੀ ਹੈ। ਵਿਰਾਟ ਕੋਹਲੀ ਤੇ ਰੋਹਿਤ ਦੀ ਜੋੜੀ ਬਹੁਤ ਅਹਿਮ ਹੈ।

READ ALSO : ਨੁੱਕੜ ਨਾਟਕ ਰਾਹੀਂ ਲੋਕਾਂ ਨੂੰ ਵੋਟ ਦੀ ਮਹੱਤਤਾ ਬਾਰੇ ਕੀਤਾ ਜਾਗਰੂਕ

ਸਾਬਕਾ ਵੈਸਟ ਇੰਡੀਜ਼ ਖਿਡਾਰੀ ਤੇ ਕਪਤਾਨ ਬ੍ਰੈਨ ਲਾਰਾ ਵੀ ਸਟਾਰ ਸਪੋਰਟਸ ਦੀ ਗੱਲਬਾਤ ਵਿਚ ਸ਼ਾਮਿਲ ਸਨ। ਉਹਨਾਂ ਫਾਈਨਲ ਖੇਡਣ ਵਾਲੇ ਦੋ ਨਾਵਾਂ ਵਿਚੋਂ ਇੰਗਲੈਂਡ ਨੂੰ ਬਾਹਰ ਕਰ ਦਿੱਤਾ। ਉਹਨਾਂ ਕਿਹਾ ਕਿ ਇਸ ਵਾਰ ਦਾ ਫਾਈਨਲ ਵੈਸਟ ਇੰਡੀਜ਼ ਅਤੇ ਭਾਰਤ ਦੇ ਵਿਚਕਾਰ ਖੇਡਿਆ ਜਾਵੇਗਾ।

T20 World Cup Final

West Indies VS England

ਆਂਦਰੇ ਰਸਲ ਦੇ ਹਰਫਨਮੌਲਾ ਪ੍ਰਦਰਸ਼ਨ ਦੀ ਬਦੌਲਤ ਵੈਸਟਇੰਡੀਜ਼ ਨੇ ਇੰਗਲੈਂਡ ਖਿਲਾਫ ਟੀ-20 ਸੀਰੀਜ਼ ਦੀ ਸ਼ੁਰੂਆਤ ਜਿੱਤ ਨਾਲ ਕੀਤੀ ਹੈ। ਬ੍ਰਿਜਟਾਊਨ ‘ਚ ਖੇਡੇ ਗਏ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਦੇ ਪਹਿਲੇ ਮੈਚ ‘ਚ ਇੰਗਲੈਂਡ ਨੂੰ 4 ਵਿਕਟਾਂ ਨਾਲ ਹਰਾਇਆ। ਇਸ ਤਰ੍ਹਾਂ ਕੈਰੇਬੀਆਈ ਟੀਮ ਨੇ ਸੀਰੀਜ਼ ‘ਚ 1-0 ਦੀ ਬੜ੍ਹਤ ਬਣਾ ਲਈ ਹੈ। ਰਸਲ ਨੇ ਦੋ ਸਾਲਾਂ ਤੋਂ ਵੱਧ ਸਮੇਂ ਬਾਅਦ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਵਾਪਸੀ ਕੀਤੀ ਅਤੇ 14 ਗੇਂਦਾਂ ਵਿੱਚ 3 ਵਿਕਟਾਂ ਲੈਣ ਦੇ ਨਾਲ 29 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਉਹ ਪਲੇਅਰ ਆਫ ਦਿ ਮੈਚ ਰਿਹਾ।

ਟਾਸ ਜਿੱਤ ਕੇ ਵੈਸਟਇੰਡੀਜ਼ ਨੇ ਪਹਿਲਾਂ ਫੀਲਡਿੰਗ ਕਰਨ ਦਾ ਫੈਸਲਾ ਕੀਤਾ। ਇੰਗਲੈਂਡ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਸਾਰੀਆਂ ਵਿਕਟਾਂ ਗੁਆ ਕੇ 171 ਦੌੜਾਂ ਬਣਾਈਆਂ। ਟੀਚੇ ਦਾ ਪਿੱਛਾ ਕਰਨ ਉਤਰੀ ਵੈਸਟਇੰਡੀਜ਼ ਨੇ 11 ਗੇਂਦਾਂ ਬਾਕੀ ਰਹਿੰਦਿਆਂ 6 ਵਿਕਟਾਂ ਦੇ ਨੁਕਸਾਨ ਨਾਲ ਟੀਚਾ ਹਾਸਲ ਕਰ ਲਿਆ। ਵੈਸਟਇੰਡੀਜ਼ ਲਈ ਆਂਦਰੇ ਰਸਲ ਅਤੇ ਅਲਜ਼ਾਰੀ ਜੋਸੇਫ ਨੇ 3-3 ਵਿਕਟਾਂ ਲਈਆਂ।

ਇਹ ਵੀ ਪੜ੍ਹੋ: ਮੋਹਨ ਯਾਦਵ ਬਣੇ ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ

ਫਿਲ ਸਾਲਟ ਅਤੇ ਜੋਸ ਬਟਲਰ ਨੇ ਇੰਗਲੈਂਡ ਨੂੰ ਚੰਗੀ ਸ਼ੁਰੂਆਤ ਦਿਵਾਈ

ਇੰਗਲੈਂਡ ਨੂੰ ਸਲਾਮੀ ਬੱਲੇਬਾਜ਼ ਫਿਲ ਸਾਲਟ ਅਤੇ ਕਪਤਾਨ ਜੋਸ ਬਟਲਰ ਨੇ ਚੰਗੀ ਸ਼ੁਰੂਆਤ ਦਿੱਤੀ। ਦੋਵਾਂ ਵਿਚਾਲੇ ਪਹਿਲੀ ਵਿਕਟ ਲਈ 77 ਦੌੜਾਂ ਦੀ ਸਾਂਝੇਦਾਰੀ ਹੋਈ। ਸਾਲਟ ਨੇ 20 ਗੇਂਦਾਂ ਵਿੱਚ 40 ਅਤੇ ਜੋਸ ਬਟਲਰ ਨੇ 39 ਦੌੜਾਂ ਬਣਾਈਆਂ। ਇਨ੍ਹਾਂ ਦੋਵਾਂ ਤੋਂ ਇਲਾਵਾ ਲਿਆਮ ਲਿਵਿੰਗਸਟਨ ਨੇ 19 ਗੇਂਦਾਂ ‘ਤੇ 27 ਦੌੜਾਂ ਬਣਾਈਆਂ।

ਵੈਸਟਇੰਡੀਜ਼ ਲਈ ਆਂਦਰੇ ਰਸਲ ਅਤੇ ਅਲਜ਼ਾਰੀ ਜੋਸੇਫ ਨੇ 3-3 ਵਿਕਟਾਂ ਲਈਆਂ

ਵੈਸਟਇੰਡੀਜ਼ ਲਈ ਆਂਦਰੇ ਰਸਲ ਅਤੇ ਅਲਜ਼ਾਰੀ ਜੋਸੇਫ ਨੇ 3-3 ਵਿਕਟਾਂ ਲਈਆਂ। ਆਂਦਰੇ ਰਸਲ ਨੇ 4 ਓਵਰਾਂ ‘ਚ 19 ਦੌੜਾਂ ਦੇ ਕੇ 3 ਵਿਕਟਾਂ ਅਤੇ ਜੋਸੇਫ ਨੇ 3.3 ਓਵਰਾਂ ‘ਚ 54 ਦੌੜਾਂ ਦੇ ਕੇ 3 ਵਿਕਟਾਂ ਲਈਆਂ। ਇਨ੍ਹਾਂ ਦੋਵਾਂ ਤੋਂ ਇਲਾਵਾ ਰੋਮੀਓ ਸ਼ੈਫਰਡ ਨੇ 2 ਵਿਕਟਾਂ ਲਈਆਂ। ਜਦੋਂ ਕਿ ਅਕੀਲ ਹੁਸੈਨ ਅਤੇ ਜੇਸਨ ਹੋਲਡਰ ਨੇ 1-1 ਵਿਕਟ ਲਈ।

ਵੈਸਟਇੰਡੀਜ਼ ਨੇ ਪਾਵਰ ਪਲੇਅ ਵਿੱਚ 59 ਦੌੜਾਂ ਬਣਾਈਆਂ

ਵੈਸਟਇੰਡੀਜ਼ ਨੇ ਪਾਵਰ ਪਲੇਅ ‘ਚ 1 ਵਿਕਟ ਗੁਆ ਕੇ 59 ਦੌੜਾਂ ਬਣਾਈਆਂ। ਵੈਸਟਇੰਡੀਜ਼ ਨੂੰ ਪਹਿਲਾ ਝਟਕਾ 32 ਦੌੜਾਂ ‘ਤੇ ਲੱਗਾ। ਓਪਨਰ ਬ੍ਰੈਂਡਨ ਕਿੰਗ 12 ਗੇਂਦਾਂ ‘ਚ 22 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਉਸ ਦੇ ਆਊਟ ਹੋਣ ਤੋਂ ਬਾਅਦ ਕਾਇਲ ਮਾਇਰਸ ਅਤੇ ਸਾਈ ਹੋਪ ਨੇ ਵੈਸਟਇੰਡੀਜ਼ ਦੀ ਪਾਰੀ ਨੂੰ ਸੰਭਾਲ ਲਿਆ। ਮਾਇਰਸ ਨੇ 21 ਗੇਂਦਾਂ ਵਿੱਚ 35 ਅਤੇ ਹੋਪ ਨੇ 30 ਗੇਂਦਾਂ ਵਿੱਚ 36 ਦੌੜਾਂ ਬਣਾਈਆਂ। ਇਨ੍ਹਾਂ ਦੋਵਾਂ ਤੋਂ ਇਲਾਵਾ ਰੋਵਮੈਨ ਪਾਵੇਲ ਨੇ 15 ਗੇਂਦਾਂ ‘ਤੇ 31 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਇੰਗਲੈਂਡ ਲਈ ਰੇਹਾਨ ਅਹਿਮਦ ਨੇ 3 ਵਿਕਟਾਂ ਲਈਆਂ।

West Indies VS England