ਮਾਲਕ ਸਿੰਘ ਘੁੰਮਣ

Dengue cases on the rise in Patiala ਪਟਿਆਲਾ ਵਿੱਚ ਡੇਂਗੂ ਦੇ ਵੱਧ ਰਹੇ ਕੇਸਾਂ ਕਾਰਨ 46 ਤੋਂ ਵੱਧ ਡੇਂਗੂ ਹੌਟਸਪੌਟ ਖੇਤਰਾਂ ਵਿੱਚ ਇੱਕੋ ਸਮੇਂ ਵੱਡੇ ਪੱਧਰ ’ਤੇ ਫੌਗਿੰਗ ਕਰਵਾਈ ਗਈ। ਡਿਪਟੀ ਕਮਿਸ਼ਨਰ ਸਾਕਸ਼ੀ ਸਾਹਨੀ ਨੇ ਮੱਛਰਾਂ ਦੀ ਵਧਦੀ ਗਿਣਤੀ ਕਾਰਨ ਡੇਂਗੂ ਅਤੇ ਚਿਕਨਗੁਨੀਆ ਬੁਖਾਰ ਦੇ ਕੇਸਾਂ ਵਿੱਚ ਹੋ ਰਹੇ ਵਾਧੇ ਦੇ ਮੱਦੇਨਜ਼ਰ ਸ਼ੁਰੂਆਤੀ ਮੁਹਿੰਮ ਵਿੱਚ ਤੇਜ਼ੀ ਲਿਆਉਣ ਦੇ ਹੁਕਮ ਦਿੱਤੇ ਸਨ।

ਨਗਰ ਨਿਗਮ ਦੀਆਂ ਟੀਮਾਂ ਵੱਲੋਂ ਜ਼ਿਲ੍ਹਾ ਦਿਹਾਤੀ ਵਿਕਾਸ ਤੇ ਪੰਚਾਇਤ ਅਫ਼ਸਰ ਅਮਨਦੀਪ ਕੌਰ ਦੀ ਅਗਵਾਈ ਵਿੱਚ ਟੀਮਾਂ ਦੇ ਸਹਿਯੋਗ ਨਾਲ ਜਨ ਫੋਗਿੰਗ ਮੁਹਿੰਮ ਚਲਾਈ ਗਈ। ਇਸ ਦੌਰਾਨ ਨਗਰ ਨਿਗਮ ਦੀਆਂ 25 ਪੋਰਟੇਬਲ ਮਸ਼ੀਨਾਂ, 3 ਬੋਲੈਰੋ ਗੱਡੀਆਂ ‘ਤੇ ਮਸ਼ੀਨਾਂ ਅਤੇ ਡੀ.ਡੀ.ਪੀ.ਓ ਦਫ਼ਤਰ ਦੀਆਂ 7 ਮਸ਼ੀਨਾਂ ਦੇ ਨਾਲ-ਨਾਲ ਪਟਿਆਲਾ ਸ਼ਹਿਰੀ ਦੇ 29 ਹੌਟਸਪੌਟ ਅਤੇ ਪਟਿਆਲਾ ਦਿਹਾਤੀ ਦੇ 17 ਹੌਟਸਪੌਟ ਖੇਤਰਾਂ ਵਿੱਚ ਮੁਕੰਮਲ ਫੋਗਿੰਗ ਕੀਤੀ ਗਈ।

ਇਨ੍ਹਾਂ ਟੀਮਾਂ ਦੀ ਨਿਗਰਾਨੀ ਨਗਰ ਨਿਗਮ ਦੇ ਸਕੱਤਰ ਸੁਨੀਲ ਮਹਿਤਾ ਅਤੇ ਸਿਹਤ ਸ਼ਾਖਾ ਦੇ ਚੀਫ ਸੈਨੇਟਰੀ ਇੰਸਪੈਕਟਰ ਅਤੇ ਸੁਪਰਵਾਈਜ਼ਰਾਂ ਨੇ ਫੋਗਿੰਗ ਦੇ ਨਾਲ-ਨਾਲ ਲੋਕਾਂ ਨੂੰ ਮੱਛਰਾਂ ਦੇ ਕੱਟਣ ਨਾਲ ਹੋਣ ਵਾਲੀਆਂ ਬਿਮਾਰੀਆਂ ਬਾਰੇ ਜਾਗਰੂਕ ਕੀਤਾ।

READ ALSO : ਤਿੰਨ ਦਿਨਾਂ ‘ਚ ਦੁੱਗਣਾ ਹੋਇਆ ਪਿਆਜ਼ ਦਾ ਭਾਅ, 100 ਰੁਪਏ ਪ੍ਰਤੀ ਕਿਲੋ ਤੱਕ ਪਹੁੰਚ ਸਕਦੀਆਂ ਨੇ ਕੀਮਤਾਂ

ਕਿਸੇ ਵੀ ਬੁਖਾਰ ਨੂੰ ਹਲਕੇ ਵਿੱਚ ਨਾ ਲਓ

ਡੀਸੀ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਕਿਸੇ ਵੀ ਤਰ੍ਹਾਂ ਦੇ ਬੁਖਾਰ ਨੂੰ ਹਲਕੇ ਵਿੱਚ ਨਾ ਲੈਣ ਸਗੋਂ ਹਰ ਬੁਖਾਰ ਨੂੰ ਸ਼ੱਕੀ ਸਮਝ ਕੇ ਡੇਂਗੂ ਦੀ ਜਾਂਚ ਕਰਵਾਉਣ। ਡੇਂਗੂ ਦੇ ਮੱਛਰਾਂ ਦੀ ਪੈਦਾਵਾਰ ਨੂੰ ਆਮ ਲੋਕਾਂ ਦੇ ਸਾਂਝੇ ਯਤਨਾਂ ਨਾਲ ਹੀ ਰੋਕਿਆ ਜਾ ਸਕਦਾ ਹੈ। ਆਮ ਲੋਕਾਂ ਨੂੰ ਚਾਹੀਦਾ ਹੈ ਕਿ ਉਹ ਆਪਣੇ ਘਰਾਂ ਅੰਦਰ ਡੇਂਗੂ ਮੱਛਰ ਪੈਦਾ ਕਰਨ ਵਾਲੇ ਸਰੋਤਾਂ ਜਿਵੇਂ ਕੂਲਰਾਂ, ਫਰਿੱਜਾਂ ਦੀਆਂ ਟਰੇਆਂ, ਗਮਲਿਆਂ ਅਤੇ ਆਲੇ-ਦੁਆਲੇ ਜਮ੍ਹਾਂ ਪਾਣੀ ਆਦਿ ਨੂੰ ਤੁਰੰਤ ਖ਼ਤਮ ਕਰ ਦੇਣ। Dengue cases on the rise in Patiala

ਇਹ ਖੇਤਰ ਹੌਟਸਪੌਟਸ ਵਿੱਚ ਸ਼ਾਮਲ ਹਨ

ਵਰਨਣਯੋਗ ਹੈ ਕਿ ਗੁਰੂ ਨਾਨਕ ਨਗਰ, ਬਿਸ਼ਨ ਨਗਰ, ਮਥੁਰਾ ਕਲੋਨੀ, ਨਿਊ ਅਫਸਰ ਕਲੋਨੀ, ਸੂਲਰ, ਅਰਬਨ ਅਸਟੇਟ, ਅਜੀਤ ਨਗਰ, ਪ੍ਰਤਾਪ ਨਗਰ, ਗੁਰਬਖਸ਼ ਕਲੋਨੀ, ਰਾਘੋਮਾਜਰਾ, ਹੀਰਾ ਬਾਗ, ਆਰੀਆ ਸਮਾਜ, ਐਸ.ਐਸ.ਟੀ. ਨਗਰ, ਜੈ ਜਵਾਨ ਕਲੋਨੀ, ਲਾਹੌਰੀ ਗੇਟ, ਬੈਂਕ ਕਲੋਨੀ, ਜਗਦੀਸ਼ ਆਸ਼ਰਮ, ਸਰਕਾਰੀ ਮੈਡੀਕਲ ਕਾਲਜ, ਅਮਨ ਨਗਰ ਫੈਕਟਰੀ ਏਰੀਆ, ਤੇਜ ਬਾਗ, ਧਾਲੀਵਾਲ ਕਲੋਨੀ, ਥਾਪਰ ਯੂਨੀਵਰਸਿਟੀ, ਵਿਕਾਸ ਨਗਰ, ਮਾਡਲ ਟਾਊਨ, ਆਨੰਦ ਨਗਰ, ਤ੍ਰਿਪੜੀ, ਬਾਜਵਾ ਕਲੋਨੀ, ਜਗਤਾਰ ਨਗਰ, ਖਾਲਸਾ ਮੁਹੱਲਾ, ਮਜੀਠੀਆ ਐਨਕਲੇਵ, ਸ਼ੇਰਾਂਵਾਲਾ ਗੇਟ, ਰਣਜੀਤ ਨਗਰ, ਪੰਜਾਬੀ ਬਾਗ, ਆਦਰਸ਼ ਨਗਰ, ਪੰਜਾਬੀ ਯੂਨੀਵਰਸਿਟੀ, ਧਰਮਪੁਰਾ ਬਜ਼ਾਰ, ਤਫਾਜਲਪੁਰਾ, ਛੋਟੀ ਬਾਰਾਂਦਰੀ, ਮਾਲਵਾ ਐਨਕਲੇਵ, ਮਹਿੰਦਰਾ ਕੰਪਲੈਕਸ, ਬਚਿਤਰਾ ਨਗਰ, ਆਰਮੀ ਕੈਂਟ, ਡੀ.ਐਮ.ਡਬਲਯੂ, ਨਾਭਾ ਗੇਟ, ਜੁਝਾਰ ਨਗਰ। ਨਗਰ, ਸਮਾਨੀਆ ਗੇਟ, ਸੰਜੇ ਕਲੋਨੀ ਅਤੇ ਅਨਾਰ ਦਾਣਾ ਚੌਕ ਖੇਤਰਾਂ ਵਿੱਚ ਮਾਮਲੇ ਸਾਹਮਣੇ ਆਏ ਹਨ। Dengue cases on the rise in Patiala