ਲਓ ਜੀ ਪੈਸਿਆਂ ਤੋਂ  ਬਾਅਦ ਹੁਣ ਲੱਗੇਗਾ ਪੈਟਰੋਲ ਦਾ ਲੰਗਰ ਜੀ ਹਾਂ ਸੱਚਮੁੱਚ ਅਜਿਹਾ ਹੋਵੇਗਾ ਸਿੱਟੀ ਬਿਊਟੀਫੁੱਲ ਚੰਡੀਗੜ੍ਹ 'ਚ ਜਿੱਥੇ ਲੰਗਰ ਦੀ ਇੱਕ ਬੇਹੱਦ ਅਨੋਖੀ ਅਤੇ ਵੱਖਰੀ ਤਸਵੀਰ ਦੇਖਣ ਨੂੰ ਮਿਲੇਗੀ, ਜਿੱਥੇ ਖਾਣ-ਪੀਣ ਦੀ ਥਾਂ ਆਮ ਲੋਕਾਂ ਨੂੰ ਗੱਡੀਆਂ ਲਈ ਮੁਫ਼ਤ ਪੈਟਰੋਲ’ ਵੰਡਿਆ ਜਾਵੇਗਾ। ਅੰਮ੍ਰਿਤਸਰ ਨਾਲ ਸਬੰਧਤ ਅਤੇ ‘ਰਾਜਾ ਦਿ ਕਿੰਗ’ ਦੇ ਨਾਂ ਨਾਲ ਜਾਣੇ ਜਾਂਦੇ ਸਮਾਜ ਸੇਵੀ ਰਾਕੇਸ਼ ਤਰੇਹਨ ਵੱਲੋਂ ਇਹ ‘ਪੈਟਰੋਲ ਲੰਗਰ’ ਲਗਾਇਆ ਜਾ ਰਿਹਾ ਹੈ।

ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਪੈਟਰੋਲ ਲੰਗਰ ਅੱਜ ਸ਼ਾਮ 5 ਵਜੇ ਚੰਡੀਗੜ੍ਹ ਦੇ ਸੈਕਟਰ 7 ਅਤੇ ਸੈਕਟਰ 10 ਦੇ ਚੁਣੇ ਹੋਏ ਪੈਟਰੋਲ ਪੰਪਾਂ ’ਤੇ ਚਲਾਈ ਜਾਵੇਗੀ। ਇਸ ਉਪਰਾਲੇ ਤਹਿਤ ਮੌਕੇ ’ਤੇ ਆਉਣ ਵਾਲੇ ਲੋਕਾਂ ਨੂੰ 500 ਰੁਪਏ ਤੋਂ ਲੈ ਕੇ 1000 ਰੁਪਏ ਤੱਕ ਦੇ ਪੈਟਰੋਲ ਕੂਪਨ ਦਿੱਤੇ ਜਾਣਗੇ, ਜਿਨ੍ਹਾਂ ਨੂੰ ਉਸੇ ਵੇਲੇ ਤੇਲ ਭਰਵਾਉਣ ਲਈ ਵਰਤਿਆ ਜਾ ਸਕੇਗਾ। ਰੋਜ਼ਾਨਾ ਦੇ ਵਧਦੇ ਖ਼ਰਚਿਆਂ ਦੇ ਦੌਰ ਵਿੱਚ ਪੈਟਰੋਲ ਵਰਗੀ ਲੋੜੀਂਦੀ ਚੀਜ਼ ਦਾ ਲੰਗਰ ਲਗਾਉਣਾ ਸ਼ਹਿਰ ਵਿੱਚ ਚਰਚਾ ਦਾ ਕੇਂਦਰ ਬਣਿਆ ਹੋਇਆ ਹੈ।

ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਰਾਕੇਸ਼ ਤਰੇਹਨ ਵੱਲੋਂ ਚੰਡੀਗੜ੍ਹ ਦੇ ਸੈਕਟਰ 8 ਵਿੱਚ ‘ਪੈਸਿਆਂ ਦਾ ਲੰਗਰ’ ਲਗਾਇਆ ਗਿਆ ਸੀ, ਜਿੱਥੇ ਫਾਸਟ ਫੂਡ (ਮੈਕਡੋਨਲਡਜ਼ ਬਰਗਰ ਅਤੇ ਕੋਲਡ ਡ੍ਰਿੰਕਸ) ਦੇ ਨਾਲ-ਨਾਲ ਲੋਕਾਂ ਨੂੰ 500-500 ਰੁਪਏ ਦੇ ਨਕਦ ਨੋਟ ਵੰਡੇ ਗਏ ਸਨ। ਇਸ ਨਵੇਂ ਉਪਰਾਲੇ ਤੋਂ ਬਾਅਦ ਰਾਕੇਸ਼ ਤਰੇਹਨ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਦੀ ਅਗਲੀ ਯੋਜਨਾ ‘ਆਈਫੋਨ (iPhone) ਦਾ ਲੰਗਰ’ ਲਗਾਉਣ ਦੀ ਹੈ, ਜਿਸ ਤਹਿਤ ਲੋਕਾਂ ਨੂੰ ਮੁਫ਼ਤ ਆਈਫੋਨ ਵੰਡੇ ਜਾਣਗੇ।

ਪਣੇ ਇਸ ਅਨੋਖੇ ਸਮਾਜ ਸੇਵਾ ਦੇ ਜਜ਼ਬੇ ਅਤੇ ਫੰਡਿੰਗ ਬਾਰੇ ਗੱਲ ਕਰਦਿਆਂ ਤਰੇਹਨ ਨੇ ਦੱਸਿਆ ਕਿ ਉਨ੍ਹਾਂ ਦਾ ਪਿਛੋਕੜ ਅੰਮ੍ਰਿਤਸਰ ਦੇ ਟੈਕਸਟਾਈਲ ਕਾਰੋਬਾਰ ਨਾਲ ਜੁੜਿਆ ਹੋਇਆ ਹੈ ਅਤੇ ਉਹ ਬਿਟਕੋਇਨ (ਕ੍ਰਿਪਟੋਕਰੰਸੀ) ਟਰੇਡਿੰਗ ਕਰਦੇ ਹਨ। ਉਹ ਆਪਣੀ ਕ੍ਰਿਪਟੋ ਦੀ ਕਮਾਈ ਦਾ ਇੱਕ ਹਿੱਸਾ ਮਹਾਮਾਈ ਦੇ ਆਸ਼ੀਰਵਾਦ ਨਾਲ ਜਨਤਾ ਦੀ ਸੇਵਾ ਵਿੱਚ ਲਗਾ ਰਹੇ ਹਨ। Traditionally ਲੰਗਰ ਸਿੱਖ ਪਰੰਪਰਾ ਵਿੱਚ ਮੁਫ਼ਤ ਖਾਣੇ ਨਾਲ ਜੁੜਿਆ ਹੋਇਆ ਹੈ, ਪਰ ਪੈਸੇ, ਪੈਟਰੋਲ ਅਤੇ ਹੁਣ ਸਮਾਰਟਫ਼ੋਨ ਦੇ ਲੰਗਰ ਦੇ ਇਸ ਸੰਕਲਪ ਨੇ ਇੰਟਰਨੈੱਟ ਅਤੇ ਚੰਡੀਗੜ੍ਹ ਦੇ ਲੋਕਾਂ ਵਿੱਚ ਭਾਰੀ ਉਤਸੁਕਤਾ ਪੈਦਾ ਕਰ ਦਿੱਤੀ ਹੈ।